Video
3-min walk from Exit D4, Causeway Bay MTR Station
continue reading
Telephone
21111707
Introduction
The interior design is inspired by the famous mountain climbing resort Hakuba and has an outdoor area. You can explore the Apres Ski Izakaya atmosphere which local residents and adventure seekers love here.
continue reading
Opening Hours
Today
17:30 - 02:00
Mon - Sun
17:30 - 02:00
Public Holiday Eve
17:30 - 03:00
Above information is for reference only. Please check details with the restaurant.
About Reward Scheme
環境5分：酒吧餐廳就响世貿隔離，地點非常方便。餐廳地方唔算特別大，但係個樓面勁高，有梳化位有皮凳位，兩樣都好舒服，播D歌好輕鬆，格調好好，可以畀五分。衛生5分：梳化位同散枱都非常整齊，枱面同餐具好乾淨企理，衛生一樣畀五分。服務5分：侍應生好好心機介紹佢地主打嘅雞尾酒，落單後即畀左大大樽水，備菜上菜都咁快，效率好高，滿分。味道5分：1) 第一杯Smoky Ume “梅” 雞尾酒個威士忌味好出，酒量足，而且甜度啱啱好。2) 第二杯Wachini “山” 雞尾酒（$138）非常美麗嘅裝飾擺設，杯酒有紫蘇葉嘅味道，旁邊有青瓜同紫菜，紫菜有wasabi味道，好醒神，非常特別。3) 叫左個十一品嘅二人前套餐，包左前菜，串燒，逸品料理，太卷，主食同甜品。a) 前菜拼盤有三樣野。芥辣八爪魚煙煙韌韌。炙燒北海道帆立貝好鮮甜，配埋Ｄ檸檬汁落去好開胃。炙燒三文魚都幾厚肉，燒完都唔乾身。b) 串燒拼盤有溏心蛋豚肉卷，紫蘇雞腿肉，明太子山藥，金菇肥牛卷。個溏心蛋非常成功，蛋黃流曬出嚟，瞵豚肉包住好有層次又有肉味。紫蘇雞腿肉啖啖肉冇骨，一串有兩大舊。明太子山藥好爽脆，上面D明太子又唔係好鹹，仲有燒左嘅芝士，三樣嘢加埋好夾。金菇肥牛卷中間D金菇非常大抽，D肥牛又唔韌。c) 逸品料理包左個好鬆又多汁嘅唐揚炸豆腐。d) 逸品料理另外揀左個蜜糖柚子雞翼，細細條又香又脆卜卜，送酒好鬼正。e) 太卷有兩款壽喜燒牛肉卷同牛油果芝士卷，每樣有四小舊，個牛肉好香甜，個牛油果芝士卷芝士忌廉非常多，差唔多佔三分之一，好潤好特別。f) 主食揀左壽喜燒牛肉烏冬，Ｄ牛肉好爽好juicy，烏冬好粗好滑份量多。g) 甜品揀左烏龍茶牛奶布甸，個牛奶布甸本身好柔軟，仲一D都唔甜，個烏龍茶味好輕，連埋個雲呢拿雪糕食會更加香滑涼快，有生果食好健康。抵食5分：每人四百幾蚊邊飲邊食個咁豐富嘅二人套餐，有好歌聽特別享受，抵食滿足。
continue reading
一踏入銅鑼灣536 Tower，真係好似搭𨋢嗰下已經穿越咗去第二個世界咁！個升降機大堂竟然可以間開一個咁嘅空間，完全係別有洞天，設計得幾有格調！今次試咗佢哋個二人前套餐，$650可以食勻十一道菜，聽落都幾抵。1️⃣前菜三點盛，極致滋味打響頭炮：芥辣八爪魚：啲Wasabi勁嗆口，攻鼻得嚟又好刺激，八爪魚口感幾爽脆，食落真係好過癮。炙燒北海道帆立貝：帆立貝表面輕輕用火槍燒過，帶點焦香，夾埋片檸檬，鮮甜味即刻出晒嚟。炙燒三文魚：半生熟嘅狀態啱啱好，口感超肥美，三文魚油嘅香味濃到化唔開，真係有入口即溶嘅感覺。2️⃣跟住係四款串燒，各有特色：溏心蛋豚肉卷：呢個一定要讚！個溏心蛋嘅「溏心」效果拿捏得非常之好，流心效果一流，蛋黃嘅香滑正好中和咗燒豚肉嘅油膩感，兩樣嘢加埋原來咁夾，👍🏻！紫蘇雞腿肉：用咗孜然、柚子同紫蘇葉去調味，個味道層次幾豐富。不過可能燒得比較耐咗少少，肉質食落有啲偏乾身。明太子山藥：山藥本身口感幾爽脆，配埋鹹香濃郁嘅明太子醬，味道出奇地平衡，唔會太寡又唔會太膩。金菇肥牛卷：經典嘢，用咗醬燒方式，外層嘅肥牛燒到有少少脆口；入面嘅金菇份量十足，成卷咬落口感好紮實。3️⃣食完串燒，就到逸品料理：唐揚炸豆腐：睇個樣平平無奇，但食落先知有料到！呢度啲炸物個脆皮真係做得幾出色，外脆內軟，舊豆腐滑到超級誇張😆，爭啲用筷子都夾唔起。簡簡單單點啲醬汁，已經令人好有記憶點。甜甜辣辣炸雞：我哋揀咗呢款，份量有成八嚿，感覺幾抵食😝！最欣賞係佢個炸漿做得好輕巧又脆身，唔會太厚；面頭嘅醬汁唔會過多，恰到好處，食落有陣陣蒜香，甜味之中慢慢滲出辣勁，呢個幾推介~4️⃣然後係兩款太卷：壽喜燒牛肉：牛肉配酸瓜呢個組合，基本上係不敗之作。值得欣賞嘅係佢哋啲牛肉都幾有質素，食得出濃郁嘅牛味。牛油果忌廉芝士：嘩！呢個真係不得了！一啖咬落去，成嚿Cream Cheese嘅濃滑感即刻爆發出嚟，超級Rich！正當你以為會好膩嘅時候，牛油果醬嗰種清新嘅質感就慢慢湧現，加埋爽脆嘅青瓜，嗰種層次感嘅轉換...… 🥹🥹🥹 大推！一定要試！5️⃣主食（2選1）：鰻魚炒飯：個炒飯底我幾鍾意，簡簡單單用蛋、蔥花同珍珠米炒成，飯粒分明，再配上味道濃郁嘅鰻魚汁。最欣賞係啲鰻魚俾得幾大塊，而且好完整，睇得出唔係用啲碎濕濕嘅鰻魚，呢份用心值得嘉許。6️⃣最後係甜品：吉士鯛魚燒：呢個要另外加$38，作為甜品收尾都唔錯。7️⃣飲品方面，佢哋啲Cocktail都幾有特色，我哋揀咗兩杯：松：呢杯係Whisky底，飲落竟然有淡淡嘅菇菌香氣，幾特別。山：呢杯個賣相真係無得輸，成個盆景咁，打卡一流！味道方面以紫蘇味為主，加埋青檸汁，幾清新。總括嚟講，呢餐真係食得好豐富，由環境到食物都充滿特色同驚喜，絕對值得一試！
continue reading
朋友介紹話銅鑼灣喱到有間LOUNGE HAKUB好chill，喱日早早就收工，約埋FD一齊去hea 下~首先一入到去感覺LOUNGE HAKUBA環境都幾唔錯好，座位間距起碼唔細，可以享受到私人空間。背景音樂輕柔，令整個用餐體驗更添愉悅。佢哋嘅飲品選擇相當豐富，特別係各式各樣嘅cocktail。每款Cocktail都精心調配，口味獨特，值得一試！我哋叫咗個二人前套餐：芥辣八爪魚配上微辣嘅芥辣醬，幾開胃。北海道帆立貝同灸燒三文魚都係非常新鮮，令人驚喜。唐心蛋豚肉卷/紫蘇雞腿肉/明太子山藥/金菇肥牛卷串燒比較少食到明太子山藥，原來都幾好食架。明太子的香氣配搭清清既山藥非常合適，口感特別。蜜糖柚子雞翼雞翼外脆內嫩，蜜糖嘅甜味同柚子非常夾。壽喜燒牛肉卷/牛油果芝士卷比較鐘意牛油果香滑同芝士嘅搭配，口感層次分明，好食。壽喜燒牛肉烏冬保持到日式壽喜燒個種香氣，牛肉鮮嫩。烏龍茶牛奶布甸作為甜品，布甸滑順，搭配烏龍茶嘅香氣，好清新，推介!LOUNGE HAKUBA既出品大致都令我十分滿意，食物同飲品都豐富多樣，幾岩作為朋友CHILL住聚會既地方。
continue reading
銅鑼灣出名多食肆，除咗大街大行嘅地舖，仲有好多商業大廈嘅樓上食店。今日相約朋友去到 tower535食日式fusion菜，叫了一客二人套餐六百幾有足11款食品。另外亦用餐廳提供嘅打骰盒，用打骰來決定飲乜。一杯粉紅色櫻花心心眼，夠晒搶鏡。另一杯酒濃郁配搭梅子酸甜提升芳香甘醇，放粒大塊冰保持冰感。前菜芥辣八爪魚、炙燒北海道帆立貝同三文魚，個人鍾意八爪魚有又咬口，味道加入了芥辣更加惹味。串燒食得多，但當中嘅「溏心蛋豚肉卷」印象未食過，溏心蛋嘅流質口感配搭醬汁豚肉係一個有趣嘅配搭，食落幾好味，印象唔錯。另外一款「明太子山藥」淮山爽爽地幾特別。「甜甜辣辣炸雞」，有點似韓式炸雞，外皮鬆脆，加埋甜辣醬汁，一件吃了有一件，停不了口。唐揚炸豆腐，簡單得嚟味道又唔錯，外皮唔算太脆，融合蘿蔔蓉口感有幾特別。「牛油果忌廉芝士」太卷，你個配搭又係另一驚喜之作，牛油果和忌廉本身都係creamy，組合來吃口感特別。「壽喜燒牛肉」太卷，相對上是常見食材，牛肉燒得幾香有少少肉汁，令太卷冇咁乾，好吃。甜品係吉士鯛魚燒配綠茶雪糕，即叫即做所以還熱哄哄，連雪糕一起吃一熱一凍，好食。晚餐體驗佳，價錢亦有較高性價比，所以整體感覺也不錯！
continue reading
位於銅鑼灣的日式居酒屋。裝潢靈感來自世界知名的登山勝地白馬，更設有戶外露天座位，座位寬敞，用餐舒適很適合和朋友來小酙兩杯。.餐廳除了有日式料理之外，更有提供特色的cocktail；店員拿出cocktail menu時，每一杯都很精緻又好看，實在不懂得怎麼選擇的時候，店員指示可以打開木盒，內有五顏六色各款cocktail的摺紙及簡介，更附上一粒骰仔，就這樣隨機擲中了兩款命運註定的cocktail！有趣又有gimmick, 真的很適合選擇困難症的朋友呢！⋆_____set menu for 2 $650______⋆✿ 前菜⧐ 芥辣八爪魚⧐ 炙燒北海道帆立貝⧐ 炙燒三文魚三款前菜都剛好是我喜歡的日式刺身，芥辣八爪魚開胃爽嫩，份量又充足，完全實踐了我平時吃壽司時總覺得份量太少而吃不夠的遺憾；而其他兩款刺身炙燒過後油香更豐腴，鮮嫩爽滑。.✿ 串燒⧐ 溏心蛋豚肉卷⧐ 紫蘇雞腿肉⧐ 明太子山藥⧐ 金菇肥牛卷串燒燒至金黃色，每款都十分香口惹味；身為蛋控，尤其愛溏心蛋豚肉卷，到底是怎麼可以做到串著雞蛋，但也不會拮穿蛋黃呢？一口咬下去，流心的蛋黃瞬間流出，很是療癒，實在太深得我心了。至於山藥，通常營養價值較高的食材，我都不太喜歡，幸而上面鋪了香口的明太子，有稍微加了不少分。.✿ 逸品料理⧐ 唐揚炸豆腐⧐ 蜜糖柚子雞翼炸豆腐超級嫩滑，炸至金黃酥脆後，口感香脆內嫩。而蜜糖柚子雞翼則是單骨雞翼，甜中帶酸，帶有獨特的柚子清新香氣，入口鮮美多汁。.✿ 太卷⧐ 壽喜燒牛肉⧐ 牛油果忌廉芝士這兩款太卷的概念很創新，尤其牛油果忌廉芝士口味，結合了牛油果的奶油質地和芝士的香濃口感，帶來意想不到的驚喜。.✿ 主食：壽喜燒牛脊肉烏冬以壽喜燒醬汁拌勻烏冬，味道微甜帶鹹，口感香濃；加入流心蛋及軟嫩的牛脊肉薄，飽腹又惹味，很是滿足。.✿ 甜品：烏龍茶牛奶布甸烏龍茶帶有淡淡的茶香和微苦的味道，結合了牛奶濃郁的奶香和滑順的口感，微甜且綿滑，是我喜歡的味道呢。.✿ cocktail: ⧐ maple hunter $128以Peach Tea Infused Vodka, Yuzu Liquour, Lemon juice, Orange juice ,Maple syrup調製。這款cocktail的口感較為清新及果味濃郁，水果的甜度更是增添了柔和的甜味，是一款女士們會喜歡的雞尾酒。.⧐ karakusa luck $138以KINOBI Gin, Green Chartreuse, Lime Juice,Rosemary Syrup, Ginger調製。在Gin加入了lime juice後帶來了酸爽的風味，為整體口感增添清新感，入口清新微苦及帶有微辣的薑味。
continue reading