Little Fresh Cafe & Bar

Open Now

Now Closed

今日放工同朋友嚟銅鑼灣行行下街肚餓，聽聞銅鑼灣開咗間樓上Cafe好高質就入咗去試👍🏼 上到店員好快安排咗個窗口位俾地，見我有兩聲咳問我要唔要暖水，好貼心🤩 Menu上面有好多選擇，款款都想試😍 同朋友選擇困難症，最尾都係叫咗dinner set🤣 最後我前菜我哋兩個都揀咗忌廉蜆肉湯，入面啲蜆肉多到嚇親，好良心😚仲配埋四塊蒜蓉包，好香好邪惡😍 到主角 main dish 我哋叫咗店員推薦嘅today specials 紅酒燴牛扒同埋蟹肉忌廉汁燴意大利飯👍🏼 想講份量比想像中大，男仔食都一定夠飽！risotto味道濃郁，加上parsley點綴成件事好夾，同朋友食到停唔到口😍 牛扒超級入味同有口感，店員推介係有道理嘅！另外我哋叫咗兩杯特飲，分別係蜜桃荔枝沙冰同埋迷迭香芒果菠蘿沙冰，只能講十分高質🍧 店員同我哋講係新鮮菠蘿即刻整，仲係我哋面前點迷迭香，即刻覺得個人都放鬆啲💆🏻‍♀️ 最後唔少得甜品！叫咗個雲呢拿雪糕法式多士，西多士即叫即整，加埋開始用嘅雪糕一流👍🏼 係完美嘅一餐，又好食服務態度又好！😍有機會會再返嚟幫襯