波士冰室

Open Now

Now Closed

今日銅鑼灣打完波就去咗波士冰室食lunch，兩點前去到都仲有少量位坐，但係過咗2:30就突然間full晒，好似見到有啲人行完山嚟食飯。日式照燒汁吉列豬扒漩渦蛋包飯，夠晒大份，蛋夠滑，吉列豬扒又好脆，配埋懷舊紅豆冰透心涼。沙爹雞扒公仔麵配炒滑蛋加丹麥多士，丹麥多士好好食，跟餐要柚子熱情果梳打，酸酸甜甜，原來又幾好味。生炸雞髀伴炸薯條，粗薯條正，雞髀又大隻，唔夠可以再加配瑞士汁雞翼，都好入味。波士小食的蘋果椰果雜果沙律都幾足料，食完啲炸嘢食返個沙律就啱晒。吉列魚柳併薯條，全部新鮮炸起熱辣辣，配埋乒乓波黑糖奶茶🧋奶茶乒乓奶茶味夠濃郁。