Video
Read full review
2024-09-23
323 views
好掛住日本嘅串燒😋呢間串燒店價錢都幾抵，星期四到星期六晚上9:30-10:30 有夜食限定優惠，難怪爆曬場。有肉類、刺身、飯團同飲品類，味道唔錯每一串份量足料，可以再encore👍🏻橫隔肌真心推，有黑芝麻、蜜糖、蒜香同wasabi，分量多而且好食，每吋大約有四件份量十足。最推介係Wasabi味，辣辣地用嚟送酒傾偈就最啱。蜜糖都好正㗎，牛唔會燒到太熟落咗蜜糖甜甜地好好食。甲羅燒蟹蓋中全是濃郁的蟹膏😝仲要好大份，有紫菜同蝦片，脆得來少少甜味，蟹膏味好香濃好滋味。牛肝同雞翼都係我嘅至愛，牛肝第一次食，牛肝火候剛好內裏軟滑，雞翼幾大隻，外層雞皮燒得香脆肉質嫩。柚子雞非常之正，有雞皮嘅雞肉串果然唔同，除咗雞皮香脆之外，上面嗰啲柚子非常之惹味。秋葵豚肉卷非常出色，因為豚肉嘅脂肪比較多燒完之後會脆，秋葵就可以平衡返成個油膩感。最後加咗個清酒煮蜆，蜆肉好大隻，冇沙，清酒湯底好飲！雞軟骨燒到卜卜脆，撒左少少鹽粉，好滋味✨多春魚燒得勁靚勁整齊，外層微焦夠香口，入面粒粒魚春。芝士菜瓜係超好食，上面嘅芝士半溶化狀態，咬落去仲係熱辣辣，芝士味香濃。烏龍燒酎好特別，飲落去有烏龍茶清香，同時有酒香，酒味唔會過分濃易
橫隔肌真心推，有黑芝麻、蜜糖、蒜香同wasabi，分量多而且好食，每吋大約有四件份量十足。最推介係Wasabi味，辣辣地用嚟送酒傾偈就最啱。蜜糖都好正㗎，牛唔會燒到太熟落咗蜜糖甜甜地好好食。
甲羅燒蟹蓋中全是濃郁的蟹膏😝仲要好大份，有紫菜同蝦片，脆得來少少甜味，蟹膏味好香濃好滋味。牛肝同雞翼都係我嘅至愛，牛肝第一次食，牛肝火候剛好內裏軟滑，雞翼幾大隻，外層雞皮燒得香脆肉質嫩。
柚子雞非常之正，有雞皮嘅雞肉串果然唔同，除咗雞皮香脆之外，上面嗰啲柚子非常之惹味。秋葵豚肉卷非常出色，因為豚肉嘅脂肪比較多燒完之後會脆，秋葵就可以平衡返成個油膩感。最後加咗個清酒煮蜆，蜆肉好大隻，冇沙，清酒湯底好飲！
雞軟骨燒到卜卜脆，撒左少少鹽粉，好滋味✨多春魚燒得勁靚勁整齊，外層微焦夠香口，入面粒粒魚春。芝士菜瓜係超好食，上面嘅芝士半溶化狀態，咬落去仲係熱辣辣，芝士味香濃。烏龍燒酎好特別，飲落去有烏龍茶清香，同時有酒香，酒味唔會過分濃易入口。
牛惣居酎屋 (銅鑼灣)
銅鑼灣登龍街28號永光中心22樓
Post
