CARVER

Open Now

Now Closed

位於銅鑼灣皇冠假日酒店入面既西餐廳，平日有set lunch，有2/3/4 courses選擇。餐廳裝修好靚，環境有格調，非常舒適，都幾適合同朋友／商業聚餐。另外，餐廳自設左乾式熟成櫃，主打多種靚肉，非常吸引。我3個courses分別叫左藍青口、酪醬炸雞、自家製提拉米蘇。食物無論係擺盤或者味道都非常高質素，絕對勝過佢既價錢。藍青口用咗蒜香白酒汁煮，食嘅時候連埋醬汁非常美味。口感鮮嫩、味道豐富。酪醬炸雞層炸粉薄脆，外層酥脆，雞肉保持多汁鮮嫩。配埋啤酒旋風薯角及田園蔬菜更添風味。甜品提拉米蘇係自家新鮮製造，佢用左酒杯擺放，別致優雅，好岩打卡，而且佢陣咖啡味道好香，食完令人非常滿足。