越大哥 (中興新街) (Closed)

難得放假，打算同男朋友來長州食下好西，拍下拖。天氣熱辣辣，又落雨濕熱，真係唔係咁開胃。想食啲酸嘢開個靚胃先～咁啱係openrice見到呢間餐廳，食越南嘢幾正，評價都唔錯，於是就決定來試下。我地食左香茅串燒雞，口感豐富又惹味，而且唔辣。醃完再燒，夠曬入味！🤤🤤😋仲有香茅串燒牛，牛肉加入香茅、檸檬葉及多種香科醃製再塗上一層甜酸醬。經烘烤而成既牛肉串燒食起來甜酸香，仲有淡淡既香茅同檸檬清新味，so nice！！！另外，越大哥牛柳沙律配蒜蓉包，沙律內有牛柳和青瓜，配蒜蓉包，味道獨特。