Video
Read full review
2024-05-27
253 views
朋友醫院放工，不想走太遠便帶我到附近的居酒屋食飯，近着窗邊的單人位置擺放着一個迷你日曆和數隻小貓，別具巧思，同時播放着日語流行曲作背景音樂，即使一人到來也不感寂寞。巧妙地佢哋嘅餐具全部都係有雞泡魚喺度，十分可愛。點了原條成田醬炭火燒鰻魚飯和海鮮特濃魚湯烏冬兩個主食，刺身選了池魚，卷物則選了火炙北海道帆立貝蟹膏卷。率先登場的是鰻魚飯，除了飯面上的少許蛋花以外就沒有其他配菜，唯一的主角就是這條特長特大的鰻魚，讓人心無旁騖的品嚐。鰻魚沒有切開原條呈上，建議與同行友人從中對分，然後從頭部開始嚐起直至尾部。醬汁唔會過鹹令到必須要撈飯食，而因為佢係燒過，所以邊邊係有少少脆口而內裏十分軟熟，食得出每一部份的肉質和味道都略有不同，整體而言每部份均香口肥美。飯量不多，恰好地為迎接卷物預留了位置。佢嘅餐單上面有好多唔同嘅卷物可以選擇，而朋友就想試火炙帆立貝卷。一上菜嘅時候見到帆立貝燒得剛剛好，唔會話有過熟嘅情況，卷物中間有蟹柳青瓜等等嘅配料，同軟熟嘅帆立貝啱啱好有呢個對比，再配上蟹膏，豐富咗口感，每樣配料嘅份量啱啱好，唔會搶咗帆立貝嘅鮮甜味。蟹膏亦都唔腥。火炙卷物一冷了便失去它的靈魂，所以上菜時莫遲疑，趕
巧妙地佢哋嘅餐具全部都係有雞泡魚喺度，十分可愛。點了原條成田醬炭火燒鰻魚飯和海鮮特濃魚湯烏冬兩個主食，刺身選了池魚，卷物則選了火炙北海道帆立貝蟹膏卷。
率先登場的是鰻魚飯，除了飯面上的少許蛋花以外就沒有其他配菜，唯一的主角就是這條特長特大的鰻魚，讓人心無旁騖的品嚐。鰻魚沒有切開原條呈上，建議與同行友人從中對分，然後從頭部開始嚐起直至尾部。醬汁唔會過鹹令到必須要撈飯食，而因為佢係燒過，所以邊邊係有少少脆口而內裏十分軟熟，食得出每一部份的肉質和味道都略有不同，整體而言每部份均香口肥美。飯量不多，恰好地為迎接卷物預留了位置。
佢嘅餐單上面有好多唔同嘅卷物可以選擇，而朋友就想試火炙帆立貝卷。一上菜嘅時候見到帆立貝燒得剛剛好，唔會話有過熟嘅情況，卷物中間有蟹柳青瓜等等嘅配料，同軟熟嘅帆立貝啱啱好有呢個對比，再配上蟹膏，豐富咗口感，每樣配料嘅份量啱啱好，唔會搶咗帆立貝嘅鮮甜味。蟹膏亦都唔腥。火炙卷物一冷了便失去它的靈魂，所以上菜時莫遲疑，趕緊吃！
刺身選了池魚。果然不負期待，既薄且嫰。除了日常的醬油芥末外，還有一個特配的調料，一共可以有12種配搭。最主要佢哋條配好嘅醬汁係微酸，點過醬汁後，更能帶出魚嘅鮮甜味。而配上蔥，芝麻等等後又帶來另一方面嘅口感。一盤刺身十二片，與友人平分只有六片，所以每種吃法只能嚐到一至兩遍，有點意猶未盡的感覺，相信一人獨享一盤刺身會是更好的選擇！
為這天晚餐作結的是海鮮烏冬，份量十足，生蠔、帆立貝和海蝦三足鼎立，互不讓一方專美。值得一提的是每樣配料均只有一件，頗有「一期一會」的味道，每次到來每款海鮮只有一次品嚐的機會，也只有一次機會去決定品嚐海鮮的次序。這份讓人格外珍惜的海鮮烏冬，絕對是一人用餐的上佳之選。
服務員態度友善，不時為我們補添熱茶。不論是一人、二人或是多人同行，相信甚麼時候在這裏用餐都不會令你失望。
Post
