蘇山雞飯

Open Now

Now Closed

最近突然間好想食海南雞飯，記得長沙灣有間星馬菜又好食而價錢都好適中，決定過嚟食個午餐先😌 佢除咗有午餐之外亦都有下午茶餐添，當然下午茶餐個餐牌都有幾款比較出名嘅食物可以俾大家嘗試吓😍 脆炸鳳尾蝦春卷 🍤 小食就揀咗呢個鳳尾蝦春卷，雖然比較邪惡，但係炸得好脆，食得好滋味😛星洲叻沙摻摻 🍜 自己本身幾鍾意食喇沙，而呢個都整得好出色，材料好豐富，而湯底都整得好濃同埋好香🥳招牌海南雞 🐥 點解呢度嘅海南雞咁出名係因為佢嘅海南雞飯充滿着雞油同埋斑蘭嘅味道，好香口😍 另外佢啲海南雞嘅肉質好滑，食落好滿足🤗凍恐龍美祿 🧋每次食星馬嘢都一定會叫呢個恐龍美祿，因為平時都比較少有呢個飲品，而美祿呢個飲品真係越飲越覺得好味🤤乳酸蝶豆花梳打 🍹呢個飲品都比較特別，乳酸味嘅蝶豆花梳打，蝶豆花已經令到顏色比較特別，少少甜甜地幾開胃㗎😊馬六甲椰子雪糕 🍧完全估唔到呢度仲有甜品添🥰 仲要係超級推介嘅椰子雪糕，佢仲配埋紅豆同埋綠豆，令到個味道更加香濃，一定要食！