最掂燒味 (Closed)

同班同學家住在長沙灣，所以中午放學後去左佢屋企附近的餐廳開飯! 佢介紹到長沙灣有好多麵檔，同埋落成左好多新樓宇，所以開左好多的餐廳! 而呢一間餐廳正正是其中一間。講到麵食真係條條街都有，由於我都好耐無食過燒味關係，就揀左呢間燒味店!朋友揀左燒腩仔油雞飯，佢話油雞整體係無咩骨頭，全部都係啖啖肉的位置。朋友是男士黎，飯量都俾得十分足，又搭上幾條菜心，非常滿意喎! 同埋個湯非常清甜，有無限紅蘿蔔、桂圓、經棗，非常健康!我就揀左腩仔叉燒飯。燒腩的皮脆卜卜，非常有咬口! 中間會有少少脂肪先到肉質，呢種應該叫半肥瘦吧! 所以，食落有脂肪的油香! 叉燒就屬於瘦叉，唔會太肥膩，唔會因為食左兩種肉類而感覺到肚脹爆的感覺!由於友人的食量十足，仲額外叫埋呢個糖沁豬手! 38蚊有5大件! 圖中都見到個顏色有幾深! 糖沁汁的味道屬鮮甜，豬手吸完個汁之後變得同樣的鮮甜! 仲有，豬手非常軟滑同埋FEEL 到骨膠原爆燈! 令我好奇其他小食會燻蹄同埋牛腱會有幾好食呢!非常滿足又食到飽一飽的一餐是也!