Soi Eat Thai Cuisine

Open Now

Now Closed

有排冇食到泰國菜，今次同朋友嚟到呢間餐廳度食飯，舖頭有一隻可愛嘅店貓喺度，好qq蟹肉炒飯 $75迷你上湯時蔬 通菜 $35凍椰青水 $5蟹肉炒飯份量十足，有一大碗，並且加上車厘茄同埋青瓜點綴，見到炒飯入面有蟹肉、雞蛋、蘆筍等配料，炒得乾身爽口，隱約食到蟹肉嘅鮮味。上湯時蔬有三款可以選擇，分別係生菜、通菜同埋芥蘭，揀選咗通菜，食落爽口，調味清淡，幾有家常菜嘅感覺～泰妃雞配絲苗飯 $75迷你上湯時蔬 生菜 $35凍椰青水 $5套餐一上枱就見到好大兜飯同埋擺得整齊嘅雞肉，泰妃雞肉質嫩滑，跟餐有泰式酸辣汁同埋中式嘅薑蓉，可以因應個人口味去點唔同嘅醬汁食用。上湯時蔬揀選咗生菜，而椰青水飲落清甜