味道樂居酒屋 (元州街) (Closed)

行路經過這間居酒屋，就被它別具特色的門面裝修風格吸引住。行入餐廳就可以見到傳統的居酒屋格局，暖暖的黃色燈光加上以木質裝修為一體的主題，十分有情調。入邊坐位唔多樓面唔係好大，建議提前book 位。三文魚腩刺身三文魚腩肉食落口感好鮮嫩，油脂分布均勻，色澤又靚而且仲切得厚身，雖然份量不多但係值得一試！芝士免治雞肉棒雞肉棒非常好食，面層有芝士使雞肉棒更加濃味，入邊啲雞肉又有肉汁，仲食得到好多雞軟骨，淋小小檸檬汁上去感覺多層次口感幾香口。鹽燒雞軟骨鹽燒出來嘅比較原汁原味，雞軟骨燒得好爽口又脆又juicy ，食落一陣咸香味好正呀。大蔥特上吞拿魚腩卷份量適中，吞拿魚腩蓉呈粉紅色，好新鮮。配上大蔥同芝麻口感豐富。哩個價錢可以食到咁樣質素嘅壽司真係好抵食！乳酸巨峰梳打提子味濃郁，食落酸酸啲又唔會好甜，好清新又解膩。鍾意食提子嘅朋友可以一試。鰻魚火炙壽司鰻魚好大件又冇咩骨，口感唔錯。炙燒過嘅鰻魚食落感覺比較香美国牛柳粒溏心蛋石锅饭熱熱的石鍋散發出濃濃的菌香味，牛柳粒軟嫩，飯粒分明又焦香加上溏心蛋。熱辣辣又夠飽肚。