新金湖海鮮酒家

Open Now

Now Closed

朋友家姐是原居民，熟晒地頭，點名呢間是長洲最好，而且又識老細，所以一早預先訂定位。椒鹽瀨尿蝦-瀨尿蝦好多膏，炸得脆脆，基乎連殼都可以食埋。豉椒炒蟶子-炒得唔夠惹味、缺少一種大排檔鑊氣的味道。蒜茸蒜扇貝-扇貝好細粒，一啖一口，沒有鮮味。薑蔥炒蟹-蟹比較細，不過味道算唔錯。炸芝士蝦丸-又熱又脆又香，中間的芝士是流心的呈狀態，一咬落去，芝士就湧出來。酥炸鮮魷-又是惹味的一味。咕嚕肉-基本上煮得不錯，甜酸汁味道及濃度適中，肉又件件炸得脆口，只可惜係肉片。蝦醬炒通菜-反而蒜茸味重仲過蝦醬，通菜就幾嫩。奉送明火老湯，湯底又幾甜。雖然話長洲最好，我就應為一般啦，不過以9個人食了不$560，就係好抵食囉。