越大哥 (中興新街) (Closed)

同朋友去長洲，發現咗呢一間越南小餐廳，啲食物非常好食。餐廳俾人嘅感覺非常輕鬆，坐得舒適自在，聽日嘅太陽唔係好猛，而且仲有少少風，吹埋嚟非常舒服，我哋就坐喺出面食，成個feel真係非常長洲!越南春卷，越南春卷炸得非常香脆，咬落去索索聲，夾住粉絲，蔬菜和肉碎，非常豐富。就咁食可能覺得有啲有油，夾埋生菜一齊食中和左油嘅感覺。越式軟殼蟹米紙卷，食越南嘢當然唔少得米紙卷，米紙卷簡直係越南嘅招牌，係我私心最鍾意食嘅一道越南菜。呢份米紙卷非常豪華，夾咗隻大大件嘅軟殼蟹，而且仲爆滿蔬菜，好味到唔想分俾人食！豬扒拼雞翼飯，呢啲飯睇落去好普通，但係唔經唔覺就食咗成點，白飯加咗蔥油，食落去有蔥油嘅香味好易入口。我兩隻雞翼，一塊切件豬扒，一個煎熟蛋和蔬菜，非常豐富。