巴希雅海灣重慶燒烤

Open Now

Now Closed

假日約朋友踩單車做運動，去大美篤巴希雅灣重慶燒烤晚餐。 由於一早book咗時間、唔使排隊等有位。 有預約好快入座，相反門口就好多人排緊隊。入座後第一時間去拎食物先，食物區入面有熟食，好似有魚蛋同燒賣，如果太肚餓都可以食少少醫下肚先嘅。 另外，燒烤食物方面有蔬菜類：雞髀菇、一條完整嘅辣尖椒、茄子、粟米、韭菜、蕃茄⋯之類。選擇都算多嘅。 肉類方面見到有雞扒、豬扒、雞全翼、羊架、雞中翼、金沙骨、魚扒⋯之類。 另外，有肉丸、龍蝦丸、魚蛋。 快熟啲嘅食物：雞肉腸、腐皮、紅腸。另外，入場時一人會有兩張換取飲品劵。 場內都有酒精飲品賣，可以加錢買。我就買樽啤酒同朋友一邊燒嘢食一邊飲下酒，吹下水咁都幾chill。 另外，仲有兩錫紙盒裝有蝦、青口同埋金針菇。 會有牛油同埋蒜油喺入邊。 仲有香蕉同菠蘿各一份。 燒完香蕉可以加少少朱古力醬，超好味。 總體黎講呢間燒烤都唔錯，食物選擇又多。 同埋佢服務都細心，每張枱有包紙巾、有裝垃圾嘅紙盒。