嚐 (Closed)

滷水拼盤肉燥飯$49牛腩的確滷得幾軟，入曬味。豆腐同肉燥飯味道尚可，雞翼同滷水蛋裡面就唔夠入味。凍華田恐龍，跟餐+9蚊，上面好多華田粉，成杯嘢好夠華田味，但稱不上有特色。滷雞翼蝦餅麻醬伴麵$53芝麻醬濃，撈落個麵變到偏乾，如果個醬可以稀少少就好啦。雞翼就同拼盤果個一樣唔夠味，相對黎講蝦餅好食啲。鹽酥雜錦拼盤$38貢丸幾香菇味，算唔錯，花枝丸就正常。鹽酥雞，調味料OK，肉質都嫩滑，就係炸黑左少少。茄子軟軟地點埋啲汁都幾好食。整體黎講，環境幾清幽、簡約，服務良好，上菜速度幾快，食物質素方面屬於中等水平，不過呢間餐廳係新開張，有啲食物都仲未有，可能需要多少少時間去慢慢準備得好啲。