永順食店 (Closed)

今日專登入元朗去大棠睇紅葉，再去千島湖。出發前要食午餐，我揀咗朗屏排隊店。果然去到要排隊，到我走時條隊再長左好多。我哋嗌左沙嗲牛肉米線、炸豬扒配五香肉丁蟹王麵同芝士流心蛋鮮牛治。芝士流心蛋鮮牛治打開時蛋黃即刻流晒出嚟，好吸引。整體食落唔錯。沙嗲牛肉米線味道濃郁，十分惹味，果然係名物，而且牛肉份量足夠又平，必食。炸豬扒配五香肉丁蟹王麵都唔錯。炸豬扒香脆，炸皮薄多肉。蟹王麵反而無我想像中好食。男朋友話五香肉丁好食。