Video
Read full review
2024-03-06
86 views
黎到長沙灣，有唔少朋友曾經推介雪山冰廳，橫掂今日咁岩又係附近，就同朋友再試下呢度招牌菜式。<始祖椒鹽豬扒飯(炒底)>一上枱已經聞到香噴噴，豬扒夠晒「諗」而且餣得好惹味，肉質唔會乾爭爭。炒飯粒粒分明，唔算話好乾身，有少少濕潤，乾身比較好定有少少濕的質感，呢個就視乎大家口味。另外椒鹽豬扒的味道滲入飯裏，食落去會有令你繼續想食的感覺。的確係幾高質素，唔怪之佢會自稱為招牌菜之一。<榛子醬西多士>呢度的西多士係厚切，平時好多時會用花生醬，呢度就用榛子醬。呢度的榛子醬唔會太甜，又唔會做到「妹仔大過主人婆」的效果，俾榛子醬搶晒本身西多士的味道。配埋牛油同埋蜜糖，的確係邪惡之選。<避風塘炸雞脾>雪山的避風塘炸雞脾係即場生炸，所以要等15分鐘。而即場生炸除左皮夠脆外，最重要可以保持肉質Juicy。另外，好多時炸脾有個唔好食的地方係只係得雞皮入味，而雞肉係無乜味，但雪山的雞脾係依然入味。<樽仔奶茶>雪山的樽仔奶茶都好出名，奶茶夠香滑，茶底夠厚，黎到雪山飲品首選。整體而言，雪山都有唔少招牌菜，同時都仍然Keep到高水準。好多時茶餐廳去到夜晚只會
<始祖椒鹽豬扒飯(炒底)>
一上枱已經聞到香噴噴，豬扒夠晒「諗」而且餣得好惹味，肉質唔會乾爭爭。炒飯粒粒分明，唔算話好乾身，有少少濕潤，乾身比較好定有少少濕的質感，呢個就視乎大家口味。另外椒鹽豬扒的味道滲入飯裏，食落去會有令你繼續想食的感覺。的確係幾高質素，唔怪之佢會自稱為招牌菜之一。
<榛子醬西多士>
呢度的西多士係厚切，平時好多時會用花生醬，呢度就用榛子醬。呢度的榛子醬唔會太甜，又唔會做到「妹仔大過主人婆」的效果，俾榛子醬搶晒本身西多士的味道。配埋牛油同埋蜜糖，的確係邪惡之選。
<避風塘炸雞脾>
雪山的避風塘炸雞脾係即場生炸，所以要等15分鐘。而即場生炸除左皮夠脆外，最重要可以保持肉質Juicy。另外，好多時炸脾有個唔好食的地方係只係得雞皮入味，而雞肉係無乜味，但雪山的雞脾係依然入味。
<樽仔奶茶>
雪山的樽仔奶茶都好出名，奶茶夠香滑，茶底夠厚，黎到雪山飲品首選。
整體而言，雪山都有唔少招牌菜，同時都仍然Keep到高水準。好多時茶餐廳去到夜晚只會得番常餐先可以食得到早午餐或下午茶的食品。但雪山居然可以全日供應，呢個都係其中一個要讚的地方。
Post
