C2食堂

Open Now

Now Closed

餐廳喺香港工業中心C座地下，有兩個入口，一個喺大廈入邊，而正門係面向青山道嗰邊。夜晚附近都冇乜餐廳，而呢間就係呢條街一個幾好嘅選擇。餐廳有兩款選擇，可以係食串燒，或者係普通茶記咁。我哋今次就食茶記嗰款，佢係食堂咁樣嘅形式，喺出邊叫完嘢食就坐低等人拎嘢食過嚟。我哋晚餐叫咗炒麵同炒烏冬，每個餐都係$60度，包埋嘢飲，價錢合理。佢啲炒麵同炒烏冬好有鑊氣下，啲餸亦都好足料，不過美中不足係個賣相就一般同份量都唔算特別好多。總體嚟講，呢間算係不過不失嘅茶餐廳。不過平日夜晚食的話，勝在唔係好多人同埋佢背景有播吓音樂。