Thirty First of May (Closed)

知道荃灣廣場附近開咗間新既西餐廳，當然要試下啦。門面好grand好靚，坐落好舒服，可以望著街景同朋友吹下水，另一邊牆用不同既酒黎裝飾。餐牌都幾多選擇，為咗可以試多啲唔同既野，我地叫咗個海鮮set dinner。話明海鮮set，頭盤係我最愛既海鮮拼盤！龍蝦尾雖然係半隻，但勝在夠肥美，又多膏。另外蜆真係值得一讚，好。大。隻！仲好貼心俾咗三種汁（醋、cocktail汁、豉油），不過啲海鮮鮮甜到都好多時我都唔記得咗點汁前菜仲叫咗三文魚薄片及三文魚籽，配檸檬辣根汁，好fresh好開胃。湯就要咗一個黑松露野菌忌廉湯，一個是日餐湯（粟米薯仔湯），飲得出湯係真係用攪拌機打出來，因為仲食到粒粒菇。到主菜，西班牙海鮮飯。侍應特登同我地介紹，呢個海鮮飯係比較乾身，係煮完再烘，口感一流。海鮮仍然係大大隻，好抵食，好似食多次海鮮拼盤咁。整體黎講好滿意，值得encore！