新翠苑牛什粉麵

Open Now

Now Closed

早幾日師傅好鬼肚餓, 於是就去搵下宵夜食啦, 行行下行到黎呢間食店前, 師傅心大心細, 都唔知入唔入去好, 最後還是豁左出去!入到去冇咩人, 於是求其搵個位坐底, 跟住就睇下有咩好食先! 呢間食店叫牛什粉麵, 但門口又叫自己做水餃專家, 攪到師傅我都唔知食咩好, 最後就決定兩樣都唔叫, 叫碗淨雲吞算把!等左一陣碗淨雲吞終於奉上, 一碗有六粒, 幾大粒, 好似乒乓波咁大粒, 賣相幾好, 於是師傅先試下個湯底, 發覺唔係咁好味, 感覺係清水多過似湯; 接著落黎就係試下個雲吞, 一咬下去發覺大部份都係豬肉, 而蝦反而又少又細隻, 冇左爽口嘅感覺, 所以口感絕對唔好, 皮係夠薄不過個餡好唔得, 勁失敗!其實師傅食左第一粒後已經唔想再食喇, 不過唔食又好似好浪費咁, 所以好辛苦食左五粒, 到最後一粒還是開不了口, 放棄收場!總括黎講雲吞嘅質素完全唔入流, 比那些十蚊店還要差, 環境一般, 服務一般, 價錢又係一般, 十八蚊一碗唔好味嘅食物, 絕對可以用貴黎形容, 所以肯定冇下次!