太上漁村海鮮酒家

Open Now

Now Closed

早午要在附近工作所以就提早食個醒晨早餐，咁早除咗麥當勞茶餐廳當然仲有早茶，難得咁早起身又好耐冇飲過早茶唔使諗一定係飲茶早上七點幾已經枱枱都坐滿人要搭枱，一個人冇乜所謂，開返壺靚普洱先飲茶點心點少得我嘅至愛山竹牛肉，牛肉熱辣辣食得出手剁牛肉同豬肉，分量比例牛肉多少少，所以肉味好香唔會肥溜溜，夾埋腐皮加埋喼汁成個配搭冇得輸😋😋😋😋😋朝頭早冇乜心情啜骨，排骨同鳳爪唔會揀，所以就叫咗鮮竹卷😋😋😋一盅兩件都未夠喉所以再整多個蒸飯，好耐冇食鹹魚所以就嗌咗鹹魚蒸肉餅，鹹魚梅香配埋個唔係好喊唔係好甜嘅豉油啱啱好😋😋😋😋😋