Kin Kao 2

Open Now

Now Closed

好耐之前系大王東街個邊試過「食飯」，估唔到開左第2間分店，「食飯」系間泰國餐廳，見Openrice好多人推介泰北咖哩湯麵，但暫時未試過，反而試左其他菜式，味道唔錯。《泰式蟹肉炒飯》（加太陽蛋）$98炒飯炒得有鑊氣，粒粒分明，味道唔會過咸過濃味，而且蟹肉的份量比想像中多，見到好多一梳梳嘅蟹肉，加埋隻燶邊太陽蛋，d蛋汁增加了成個炒飯嘅口感和豐富感。《泰東北酸香腸》$88入口覺得好特別，味道系咸咸酸酸，腸仔里面除左豬肉，仲有酸菜粒，酸菜令豬肉味更加濃，而且碟邊有d薑粒同辣椒粒，同腸仔好夾，可以減淡腸仔嘅咸酸味，增加一陣辣辣地味。《椰青》$48好大個椰青，飲落去好清甜，冇up味，食完泰菜，飲返啖椰青，解渴之餘，又可以清走泰菜殘留嘅香料味。