Grill ขนทอง (駱克駅)

Open Now

Now Closed

最近返工比較忙，又要OT晚餐變咗食宵夜，宵夜時段喺銅鑼灣就搵到間聽講好好味嘅串燒店，所以試吓！未行入舖頭已經聞到好正嘅燒烤味，我同男朋友立即叫咗一個雞肉串燒配炒飯，串燒熱辣辣仲好Juice，配埋炒飯有少少辣，食一啖再配埋嘢飲好過癮！之後我哋散叫咗唔同嘅串燒試吓，叫咗一個雞皮串燒，食落唔肥膩少少煙煙韌韌，嗰邊有少少脆口牛肉串燒好亂好香口不過記得一上海就即刻食凍咗就會冇咁嫩滑另外雞中翼都好有驚喜，先用香茅醃過，有自己BBQ嘅感覺因為我哋驚燒烤好dry，所以叫咗個燒菠蘿，菠蘿好厚身又唔會燒到好乾，建議大家一串菠蘿一串燒肉咁食！講起串燒點可以冇飲品？我男朋友叫咗一個茶啤，喺出邊都比較少試到，呢隻手工啤茶味同麥味都好平均口感比較新鮮，未試過嘅朋友可一叫。我自己就選擇龍眼冰，飲完唔會怕油膩最估唔到嘅竟然呢度有焦糖燉蛋，算係為今晚OT小小嘅安慰！面部焦糖好明顯有用火槍燒過焦糖脆口燉蛋嫩滑，形成好大嘅層次感。我男朋友話熱辣辣要即刻食！掛住食完全冇理過我，呢度食物好有質素！相信我哋一定會再encore！