金子半之助 (荃灣廣場)

Open Now

Now Closed

一接放學就去荃灣廣場玩感統訓練的公園，有巨長滑梯，又有跳彈床等設施，玩得開心到不得了。到了6點肚子都餓，隨即入廣場直接找一間餐廳來食。食貨何止我一個，屋企都養出了一個小食貨。人均消費$170左右。海老天押壽司$88 炸蝦和紫蘇葉的配搭，加上有特製醬汁，吃起來有點像壽司和天丼之間的感覺，就像一口丼飯，哈哈。海老脆卜卜的，連小朋友都愛吃。幾小口就食完一件。一碟六件，件件都足料豐富。牡蠣迷你丼＆烏冬有丼飯，又有烏冬的套餐。丼飯並不迷你，其實都頗大碗的，加上再有一碗烏冬，食完好飽好飽。無論菇菌、海老、莢碗豆、海苔或者溫泉蛋等等材料，都炸到外皮香脆。一層好薄的炸漿包裹着原材料，一咬即破，感覺療癒。食材新鮮，吃不出有過多的調味或者味精，只是簡單的秘製醬汁，加上炸功了得和食材鮮嫩，已經覺得好食。半之助沙律$48 沙律份量都不少，沙律菜新鮮翠綠，車厘茄鮮甜多汁，還有大蝦炸物等等，為一餐豐富的晚餐增添清新健康感。伯爵茶布甸$28 Q彈會動的布甸，還要是伯爵茶味道，一見到就想叫。甜度適中，每啖都有伯爵茶味道在口中徘徊，正宗的齒頰留香，哈哈。