Video
Read full review
2022-12-17
2530 views
Black Sheep冬日限定𝙋𝙇𝘼𝙏𝙀𝘿 𝙈𝙚𝙣𝙪又黎啦！逢星期一二，旗下嘅La Vache!、、Grand Majestic Sichuan、Osteria Marzia都有優惠menu！今次黎到主打意大利海鮮料理嘅Osteria Marzia，一嚐bookmark左超耐嘅開心果意粉！餐廳典雅，碗碟都充滿海岸小鎮風情，客人仲可以到「魚市場」揀是日靚魚鮮，同合口味嘅烹調方式！配埋專業品酒師推介嘅意大利酒，不失為意大利冬日海鮮饗宴🍴冬夜海岸饗宴 $488pp🥖香烤麵包配鯷魚及牛油麵包烘得好脆，富麵粉香，配埋咸香鯷魚好正。不過家姐就唔太接受到鯷魚嘅味道1️⃣Hamachi 油甘魚油甘魚厚切，魚味濃郁，軟腍油潤，每一塊都沾滿醬汁。加上酸甜多汁嘅車厘茄，每一啖都好juicy，不過就偏鹹左少少。2️⃣Capesante 炭烤帶子炭烤北海道帶子軟滑微爽，配埋酸豆、紅橘、柑橘醬汁，入口帶些微橘酸同橄欖香，相當清新3️⃣Paste (三選一)墨魚螺絲粉 / 開心果魚香意粉 / 龍蝦結他意粉🐟Spaghetti 開心果魚香意粉每條意粉都裹滿creamy醬汁，開心果味突岀，伴隨西西里鯷魚嘅魚香，兩者意外地夾，毫無腥
餐廳典雅，碗碟都充滿海岸小鎮風情，客人仲可以到「魚市場」揀是日靚魚鮮，同合口味嘅烹調方式！配埋專業品酒師推介嘅意大利酒，不失為意大利冬日海鮮饗宴
🍴冬夜海岸饗宴 $488pp
🥖香烤麵包配鯷魚及牛油
麵包烘得好脆，富麵粉香，配埋咸香鯷魚好正。不過家姐就唔太接受到鯷魚嘅味道
1️⃣Hamachi 油甘魚
油甘魚
67 views
0 likes
0 comments
油甘魚厚切，魚味濃郁，軟腍油潤，每一塊都沾滿醬汁。加上酸甜多汁嘅車厘茄，每一啖都好juicy，不過就偏鹹左少少。
2️⃣Capesante 炭烤帶子
炭烤帶子
38 views
0 likes
0 comments
炭烤北海道帶子軟滑微爽，配埋酸豆、紅橘、柑橘醬汁，入口帶些微橘酸同橄欖香，相當清新
3️⃣Paste (三選一)
墨魚螺絲粉 / 開心果魚香意粉 / 龍蝦結他意粉
🐟Spaghetti 開心果魚香意粉
開心果魚香意粉
103 views
0 likes
0 comments
每條意粉都裹滿creamy醬汁，開心果味突岀，伴隨西西里鯷魚嘅魚香，兩者意外地夾，毫無腥味又唔會過鹹，連唔敢食鯷魚嘅家姐都食唔停！意粉夠晒彈牙，不過呀妹就嫌佢硬身左啲。自己一個食晒碟都幾膩下，建議開心share
🦞Linguine 龍蝦結他意粉 +$38
結他意粉同樣彈牙，硬度對呀妹黎講恰到好處。醬汁唔似另一款咁濃稠，食落相對淡味。不過加埋staff私心推薦嘅辣椒碎，鮮味會更為突岀，更惹味。龍蝦鮮甜微彈，但份量就唔算好多。重口味人士私心鍾意另一款多啲。
4️⃣Pescato Del Giorno 是日魚鮮 +$448
幾個人黎不訪嗌條魚開心share~ 當日就有sea bass/ red snapper/ sea bream/ barramundi供選擇，烹調方法都有simply grilled/ Sciliana/ salt-baked/ acqua pazza四款可以揀
今次就無嗌到超岩打卡嘅鹽焗，反而試左Acqua Pazza義式水煮魚。加入蕃茄、橄欖油、蜆等配料一起燉煮。Sea bream軟滑，外皮帶焦香，魚味突岀。特別欣賞staff好認真咁挑啲骨出來，拆完肉擺盤都係咁靚！仲可以用即烘嘅麵包蘸汁食！雖然醬汁唔算好濃稠，但自家製嘅麵包真係好香，蘸完外脆內濕潤，包控忍唔住不停食！旁邊蜆肉細細隻，但鮮味十足！
5️⃣Dolce - Semifreddo Al Torrone 鳥結糖冰糕
十足鳥結糖口味嘅雪糕，不過質感相當較硬較有冰感。啖啖都超多nuts！帶點橙香
Post
