Le Grand Pokka Café (形點) (Closed)

Pokka Cafe今日係要好麼買完野之後，同個朋友諗住搵個地方食下野坐下慢慢傾吓計。一直都唔知呢對原來有high tea set食，咁就一定超啱我哋呢啲港女啦。仲要個性價比好高，二百幾蚊兩個人，真係當Hea下消磨時間都抵。講下個環境先，咁岩張枱仲擺咗啲花喺度，所以個環境我哋嗰張枱都幾舒服幾優美嘅。而且清潔方面都做得好足，每一張枱都有啲消毒噴霧。至於食物方面款式都唔少，就由第一層開始講起啦，第一層呢就有啲牛油果三文魚杯，裏邊仲有啲蕃茄嘅。至於第二層都係鹹點嚟嘅，有炸雞翼啦，有鵝肝多士啦，黑毛豬火腿配蜜瓜，另外仲有個雞肉嘅牛角包。每一樣味道都唔錯，份量亦都啱啱好。至於最底嗰層就係甜品，當中我就最鍾意個鮮果吉士撻，啲吉士做得好好味。仲有個焦糖拖肥芝士卷都好好味，至於其他呢就相對比較甜咗少少。而且仲包飲品嘅，咁我就叫咗凍檸茶，我嘅朋友就要咗伯爵茶，佢仲係一set連奶。如果唔想出到咁遠，喺元朗近近地又有性價比高嘅afternoon tea set都好推介。