大當家粵皇食府 (Closed)

今次一行六人晚上去吃火鍋，星期日七點去到不用等位，而且有張大枱。火鍋最重要就係個爐之外，食物選擇要多、料要新鮮，更甚就是有否奇怪食材。這裡奇珍食才就沒有，不過就勝在夠踏實。湯底：甘蔗馬蹄豬排湯，但就來了一條生雞，雖然來錯但我們見隻雞係鮮雞，所以照樣全收，發覺個湯好得好清但不會無味，而且有清熱功效。加上碟雞很足料，肉質可口，好久沒有吃過鮮雞了。火鍋料：墨魚滑：鮮味有少許彈牙，好食鮮手打蝦丸：鮮味有少許彈牙，算係咁西洋菜、西生菜、唐生菜：夠乾淨、新鮮生魚片：新鮮就自然好食生鱔片：麻麻生蠔：有好多隻，有鮮味，$38好抵肥牛、駝鳥肉、三色肉拼盤：好多肉，份量和肉味都不俗另外，我們點了炸蝦腐皮卷，因為幾次傳菜時見到好似好靚，一客有十一條，腐皮本身料靚，有些蝦粒在內，炸到脆卜卜又夠熱，好好食，絕讚。六個人食到好飽好開心，侍應及經理服務不錯，大家也欣賞。有時，食飯就是常簡單、開心。