季季紅風味酒家

Open Now

Now Closed

乳豬仔貪佢肉瘦脂肪少，肉紋順溜幼細皮夠薄,再燒香至金黃皮脆。戴晒生日帽插埋蠟燭，化身為生日豬，但人多高興開餐前唱首生日歌又何妨吖！要品嚐隻「乳香豬」，仲有好多功夫，由專人幫隻豬仔拆線剪肉，再鋪番得整整齊齊，砌番個豬仔樣先為止大功告成。乳豬皮果然夠脆，一咬咔嚓應聲碎開，皮下脂肪都真喺相對少，但外皮都仍帶少少油，而瘦肉部份調味幾好，無經常食到乳豬或燒肉過鹹嘅毛病，但肉味都唔差喎。「蝦禾米」部份又如何？炒飯晌燒乳豬仔嘅過程吸收咗肉汁同油香，都擔心會過油，但估唔到入口又幾爽身喎，仲有份鹹香，總算無點失望！溫馨提示，乳香豬連炒飯幾足份量，無得十鬆啲人都唔好隨便叫成隻！ 仲有玫瑰頭抽黃金雞黃金雞色澤比常見嘅豉油雞仲要深色，難得咁入味但又唔嚡，皮下脂肪又唔多，認真唔錯！ 對整晚嘅菜式都好滿意，試到多款手本招牌嘢，算食得過喎！