Video
Read full review
2023-07-25
403 views
今日同好朋友去左上水🪴蕉徑休閒村-Innolife地點唔難搵 店舖好細心係ig有教點坐小巴🫶🏻我地落左小巴之後 就見到個天空超靚加埋綠油油嘅植物 已經不停影左好多相🤭沿路行入餐廳 都有好多唔同植物擺設同坐位令人感覺遠離煩囂👏🏻店舖有3隻可愛店員狗狗 小白好親人🫶🏻餐牌好多都係有機植物，麵包同甜品都係自家製🥇🥢特色苦瓜菠蘿蒜子沙律🥗見到沙律已覺得好新奇 食落更驚喜本來唔係點食苦瓜嘅我都食左好多味道好夾 薑絲苦瓜菠蘿蒜子4樣加埋一齊毫無違和感 食落有點惹味又好清新👍🏻🥢雞絲胡麻烏冬雞絲同烏冬份量都幾多 醬汁加左小小芥末 涼浸浸食落好開胃🥢自家製碎蛋沙律潛水艇店舖自家製麵包焗得好外脆內軟🥇配埋爆餡碎蛋沙律 看似簡單食落好美味！🥢紅菜頭蘋果汁&雪梨甘荀汁兩杯飲品都好大杯 而且都好清甜 唔會有草青味道 好fresh又消暑👍🏻🥢自家製檸檬芝士蛋糕🍋蛋糕一啖食落去已經好有檸檬香 唔會太甜 配埋新鮮檸檬食別有一番風味 🥢焦糖布甸🍮布甸口感好滑身 有蛋香味 喜歡焦糖味道🫶🏻🥢伯爵茶奶凍伯爵茶味濃 後勁好有奶香味又口感滑遛😋成個午餐同好朋友都感覺好愜意 一邊食野一邊欣賞花草樹木 感覺去左一個世外桃源咁 好
地點唔難搵 店舖好細心係ig有教點坐小巴🫶🏻
我地落左小巴之後 就見到個天空超靚加埋綠油油嘅植物 已經不停影左好多相🤭
沿路行入餐廳 都有好多唔同植物擺設同坐位
令人感覺遠離煩囂👏🏻
店舖有3隻可愛店員狗狗 小白好親人🫶🏻
餐牌好多都係有機植物，麵包同甜品都係自家製🥇
🥢特色苦瓜菠蘿蒜子沙律🥗
見到沙律已覺得好新奇 食落更驚喜
本來唔係點食苦瓜嘅我都食左好多
味道好夾 薑絲苦瓜菠蘿蒜子4樣加埋一齊毫無違和感 食落有點惹味又好清新👍🏻
🥢雞絲胡麻烏冬
雞絲同烏冬份量都幾多 醬汁加左小小芥末 涼浸浸食落好開胃
🥢自家製碎蛋沙律潛水艇
店舖自家製麵包焗得好外脆內軟🥇配埋爆餡碎蛋沙律 看似簡單食落好美味！
🥢紅菜頭蘋果汁&雪梨甘荀汁
兩杯飲品都好大杯 而且都好清甜 唔會有草青味道 好fresh又消暑👍🏻
🥢自家製檸檬芝士蛋糕🍋
蛋糕一啖食落去已經好有檸檬香 唔會太甜 配埋新鮮檸檬食別有一番風味
🥢焦糖布甸🍮
布甸口感好滑身 有蛋香味 喜歡焦糖味道🫶🏻
🥢伯爵茶奶凍
伯爵茶味濃 後勁好有奶香味又口感滑遛😋
成個午餐同好朋友都感覺好愜意
一邊食野一邊欣賞花草樹木 感覺去左一個世外桃源咁 好多有機蔬果店舖自己農場種 令人食得安心 店員仲介紹有私房菜可以訂
下次都會再去試其他食物 享受一個田園風另類打卡地點💕
34 views
0 likes
0 comments
Post
