Read full review
2024-03-20
635 views
平時星期六日我地去開市區玩,不過而家油尖旺真係多左好多人,有時都想去下啲郊外地方🕊️,靜靜地咁過下休閒嘅星期六日⛅️。咁岩我地就搵到呢間係蕉徑嘅蕉徑休閒村,呢到其實離上水好近,揸車10分鐘就到🚙,食完野仲可以去粉嶺哥爾夫球場行下tim! 蕉徑休閒村有室內室外嘅位置選擇,戶外仲係pet friendly tim🐶! 同有好多花花草草🪴,帶寵物打卡一流!而室內仲有玻璃屋嘅位置,入面裝潢好靚,好岩情侶嚟打卡!加上呢到非常清幽,可以靜靜地咁chill一個下午都無問題☀️!🫖紅棗桂元杞子茶 $68紅棗桂元杞子味好濃郁,一壺茶夠兩個人慢慢嘆,飲完店員仲會主動幫你加水。🥣有機蕃茄羅宋湯及餐包$68有機蕃茄味道帶酸,飲得出用咗好多新鮮蕃茄打成,岩晒我地蕃茄愛好者,最鐘意酸酸地嘅蕃茄味。而餐包就非常鬆軟,焗到溫度暖暖地,配上牛油食真係好好味。🥖自家製蒜蓉牛油法包 $48自家製嘅新鮮法包真係唔同街買果啲,仲帶有微微濕潤,而蒜蓉係比較淡食落唔會油膩,好清新,同個環境好夾。🍕煙三文魚薄餅 細 $88薄餅嘅餅底非常脆口,煙三文魚夠鮮同油份充足,仲有啲生菜同埋紫洋蔥喺薄餅面到,味道豐富。🥙燒安格斯牛肉眼沙律 $128安
咁岩我地就搵到呢間係蕉徑嘅蕉徑休閒村,呢到其實離上水好近,揸車10分鐘就到🚙,食完野仲可以去粉嶺哥爾夫球場行下tim! 蕉徑休閒村有室內室外嘅位置選擇,戶外仲係pet friendly tim🐶! 同有好多花花草草🪴,帶寵物打卡一流!而室內仲有玻璃屋嘅位置,入面裝潢好靚,好岩情侶嚟打卡!加上呢到非常清幽,可以靜靜地咁chill一個下午都無問題☀️!
🫖紅棗桂元杞子茶 $68
紅棗桂元杞子味好濃郁,一壺茶夠兩個人慢慢嘆,飲完店員仲會主動幫你加水。
🥣有機蕃茄羅宋湯及餐包$68
有機蕃茄味道帶酸,飲得出用咗好多新鮮蕃茄打成,岩晒我地蕃茄愛好者,最鐘意酸酸地嘅蕃茄味。而餐包就非常鬆軟,焗到溫度暖暖地,配上牛油食真係好好味。
🥖自家製蒜蓉牛油法包 $48
自家製嘅新鮮法包真係唔同街買果啲,仲帶有微微濕潤,而蒜蓉係比較淡食落唔會油膩,好清新,同個環境好夾。
🍕煙三文魚薄餅 細 $88
薄餅嘅餅底非常脆口,煙三文魚夠鮮同油份充足,仲有啲生菜同埋紫洋蔥喺薄餅面到,味道豐富。
🥙燒安格斯牛肉眼沙律 $128
安格斯牛肉夠腍身,用左少少鹽同香草調味,肉味濃郁,作為牛扒控嘅我地好快就清晒成碟牛肉!沙律菜好新鮮,最好味係青瓜,非常鮮甜。
🧀重芝士吞拿魚焗通粉 $98
芝士份量好多,焗到面層脆口,芝士味非常濃郁,令人一啖接一啖咁食。呢到通粉係比較細粒,形狀同平時識開嘅通粉唔同,幾有趣。
🍮焦糖布丁 $48
焦糖布丁嘅焦糖味好突出,布丁有蛋香配上甜中帶點微苦嘅焦糖唔錯。
🍰必食自家芝士CAKE $48
自家製cheese cake食得出個心機,口感軟滑,味道清新同唔會太甜,底層餅底脆口。
📍 蕉徑休閒村 (上水)
上水蕉徑村蕉徑路DD100 Lot1372
Post