昶 (Closed)

好耐無寫食評，見老婆食得開心就寫下今個星期老婆話想omakase, 決定搵間新開既試下整體感覺唔錯服務上算係好好，收碟斟酒斟茶時間都掌握得幾好背景有啲比較柔和既音樂，整體係舒服既食物就憑師傅介紹盡力寫低個名粟米凍湯櫻煮章魚紫海膽室津蠔鬼蝦响螺平靜魚吞拿魚面頰肉( ほほ肉) 毛蟹，地海膽血引腦天赤身夾芽蔥青森蝦夷鮑帶子三食鳥貝八日熟成toro東市赤海膽赤睦魚手卷魚湯唔逐一俾comment 啦，唔係咩食家有幾道要讚，個粟米湯正，清甜得來有啲咬口，好岩夏天飲。好奇問師傅點整，聽完決定下次再去飲就算，繁復到呢。。紫海膽好正，我鐘意原隻海膽呢種清甜感室津蠔唔算好濃味，但肉厚，配sake感覺唔錯腦天本身好油，用熟成赤身減低油膩感，因為我唔鐘意食紫蘇葉，師傅用芽蔥代替，腦天配熟成赤身呢個配合十分好，齋食腦天真係攪唔掂。東市赤海膽，比紫海膽濃，但個米紙好正，加埋好好食同師傅飲完支sake開心滿足！