傷心酸辣粉私房菜 (Closed)

一直都好鍾意食辣野, 當年第一次係大陸食過酸辣粉後就深深愛上佐佢酸酸辣辣既味道, 直至香港都終於有傷心酸辣粉, 我就成為佐佢常客, 最近有朋友話我知原來傷心酸辣粉連私房菜都有做埋!作為忠心fans既我更係去試下啦!坦白說, 環境我覺得算1般, 似中式酒樓, 但價錢都算合理因為一行4人, 所以我地都叫佐好多野, 朋友喜歡飲湯, 叫佐個烏雞燉螺頭燉湯原本唔好中湯既我, 一入口發現極度鮮味!! 完全冇油淋淋既感覺, 打破佐我對中湯既一貫睇法!而且湯料極度豐富! 落足本錢! 唔怪得咁好味!呢道水煮魚睇落顏色好驚人, 但朋友唔食得太辣所以只係叫佐小辣魚肉好嫩滑同入味, 加埋芽菜做配料真係好好味!而家諗起都流曬口水!另外呢個黃金炸豆腐真係我全晚最喜歡既菜式! 外皮炸得金黃, 加埋點點椒鹽更為惹味!入面既豆腐嫩滑非常! 形成好強烈對比! 口感一流!呢款水水雞都係我心水之選~上面既花生碎夾埋雞件混合醬汁異常合拍, 令人忍唔住一食再食!呢個脆生腸都還可以, 不過相比其他小菜就有少少失色啦大合照~呢餐真係食得好滿足, 下次再黎一定要試下個蟹!