Video
Read full review
2019-06-15
80 views
6月係小學嘅考試日子， 做父母同小朋友身心一啲都唔好受， 終於考完最後一科，大家可以重獲自由， 今晚決定食餐好， 食自助餐係一個唔錯嘅選擇， 但兩個豆丁食量少， 去酒店又唔係太抵， 經朋友介紹，佢話觀塘有間餐廳啲自助餐都唔錯， 最重要係有得玩有得食， 一於去試下先。將架車泊喺apm, 都係18蚊個鐘， 沿住商場行落開源道，一轉彎就見到大廈嘅樓梯， 非常方便。六點鬆啲嚟到，都已經坐滿一半人記得要book位呀， 呢度嘅裝修好多壁畫， 座位闊落， 經過攞嘢食嘅時候有兩間獨立大房， 適合聚會。呢度好多炸物， 而且熱辣辣， 兩隻小豆釘好鍾意呀， 有雞翼、炸鱼餅春捲……我個人就好欣賞呢個沙律吧， 有雜果沙律、青木瓜沙律、 藜麥蟹子沙律、 新鮮水果， 我就食咗三round， 每一樣嘅水準都好高， 是日必食推介。芝士通常喺酒店先會食到， 但呢度都有得比你试2款， 我試咗巴馬臣芝士， 即係一般麵包舖食到嘅芝士粒， 一粒粒咁樣食覺得好高級， 另一隻鬆散嘅芝士叫金文拔， 真係好臭㗎…… 其實我都唔知我有冇將啲名撈亂咗呢個甜品陣都唔惹少， 有各式芋圓、涼粉、 水晶珠、三色q果、 小丸子、椰奶…… 另一邊廂都有
將架車泊喺apm, 都係18蚊個鐘， 沿住商場行落開源道，一轉彎就見到大廈嘅樓梯， 非常方便。
六點鬆啲嚟到，都已經坐滿一半人記得要book位呀， 呢度嘅裝修好多壁畫， 座位闊落， 經過攞嘢食嘅時候有兩間獨立大房， 適合聚會。
呢度好多炸物， 而且熱辣辣， 兩隻小豆釘好鍾意呀， 有雞翼、炸鱼餅春捲……
我個人就好欣賞呢個沙律吧， 有雜果沙律、青木瓜沙律、 藜麥蟹子沙律、 新鮮水果， 我就食咗三round， 每一樣嘅水準都好高， 是日必食推介。
芝士通常喺酒店先會食到， 但呢度都有得比你试2款， 我試咗巴馬臣芝士， 即係一般麵包舖食到嘅芝士粒， 一粒粒咁樣食覺得好高級， 另一隻鬆散嘅芝士叫金文拔， 真係好臭㗎…… 其實我都唔知我有冇將啲名撈亂咗
呢個甜品陣都唔惹少， 有各式芋圓、涼粉、 水晶珠、三色q果、 小丸子、椰奶…… 另一邊廂都有啲西式芝士蛋糕、mousse蛋糕、椰青糕、 真係每樣食少少都食到飽。
坐低咗先知原來每枱會送龍蝦汁海鮮盛宴， 估唔到裏面都會有鮑魚， 而且都相當大隻同新鮮。
呢一盤叫做侏羅紀公園， 裏面有豬肋骨, 烤到好冧，德國腸仔， 有d香草味， 仲有豬手同埋豬髀， 但我已經好full食唔落 。
餐廳都好適合小朋友來， 佢哋放餐 嘅自助枱唔算好高， 小豆釘唔需要我下下幫手攞食物， 大家都食得好自在開心， 最搞笑係佢哋坐低後， 有位職員攞住個抽獎箱畀佢哋抽禮物， 兩位老細表示生日要再來，真係又好玩又好食。
Post
