八幡屋涮涮鍋 (Closed)

油塘大本型既八幡屋涮涮鍋上次食完之後一直都令我念念不忘今次帶埋媽咪過黎試下❤️❤️❤️媽咪都話哩度地方闊落，座得舒服😊😊媽咪拍板叫左「骨膠原豬骨湯底」一開始叫返個三文魚生開一開胃先，三文魚好肥美，食落唔會有雪味或者覺得有雪左好耐既感覺湯底好快就上左喇，有大大嚿豬骨黎熬，令到個湯底充滿左香味，將食物放落去好快就變得入哂味，喜歡呢個湯底既朋友真係要選擇佢。配料我有叫到「肥牛」「炸响鈴」「海鮮火鍋配料」「肥牛」夠哂薄切，落去湯底過一過，好快就食得，食落都有牛味唔會好似其他劣牛一樣無肉味「炸响鈴」更加係我至愛，由脆卜卜放入湯底拖一拖，變成外軟內脆，真係好好味「海鮮火鍋配料」有唔同既海鮮，得主力係食蝦，蝦都唔會霉，好味道整體仍然在水平之上，期待下次再黎。