Anytime Catering

Open Now

Now Closed

呢一間嘅感覺好似私房餐廳。店子少少只有兩大張枱可以坐到大概10至15人。裝修仲有點兒像高級傢俬舖啦。。廚房係open kitchen，你可以見到廚師細心幫大家烹調食物，不停傳來食物嘅香味，真係 好肚餓呀。龍蝦湯味道濃郁，而且龍蝦肉都幾多。推介呢一度嘅煎帶子，帶子應該係刺身級別，非常大粒之餘而且非常嫩滑，一食落口有：「啊！好好味！」嘅感覺。 另外一定要食呢度嘅甜品，非常之有特色，薑汁蛋白，薑汁味突出，蛋白非常之滑溜，而且食到有一粒一粒脆脆地嘅，口感多樣化好特別好好食。呢度真係好適合包場開細細地嘅生日會，私隱度非常高。