第八站咖啡廳 (Moved) New Location

今日約左朋友去旺角食晚飯，餐廳環境大同埋寬鬆，聖誕佈置好早就裝飾。座位好大，舒服。餐廳主要係西餐扒類為主，牛，雞豬肉都有！我朋友就揀咗特級西冷牛扒配薯條，上枱塊牛扒大塊，7成熟左右，非常juicy ，好淋身，香濃牛肉味，切落去一啲都唔硬，薯角亦都好鬆脆可口，仲好熱辣辣。我就叫左無骨黑毛豬扒，同樣都好大塊，煎到好香得黎，一樣鎖住啲肉汁，一啲都唔嚡熠熠！意粉亦都好香，唔係就咁烚，係有加左啲蒜頭炒香左，好好味。頭盤就蒜蓉餐包，幾鬆脆，同埋餐湯，加啲胡椒粉吊下味好好飲。最後每人一杯蜂蜜柚子茶做小總結。