囍鍋蒸氣火鍋專門店 (Closed)

海鮮對香港人黎講都算係重要既食材, 香港人已經唔會去西貢鯉魚門果D食海鮮, 想食海鮮當然要食蒸氣鍋, 可以蒸出鮮味又無咁熱氣.約埋三五知己飯聚, 難得見面, 當然食好D, 有人提議黎呢度食蒸氣鍋, 地點方便無異議.呢度除左主打既蒸氣鍋之外, 仲可以食火鍋, 好多選擇.商議後決定揀套餐食, 多D海鮮又抵食.先有三文魚刺身, 新鮮軟嫩, 魚脂十足, 先來一個冷盤好開胃.之後開始食蒸氣海鮮, 不過蒸之前侍應會放在粥底既材料, 係南瓜排骨, 材料大大舊.先蒜紐西蘭刀貝同蟲草鮑魚, 兩者都唔會太細隻, 咬落爽彈, 鮑魚肉質夠厚實. 美國大石蠔真係夠大隻, 肥美漲卜卜, 啖啖海水既咸鮮同蠔味, 感覺一流.粉絲蒸蟶子又係大大隻, 蒜蓉味豐富, 蟶子鮮甜, 彈牙有嚼口.蒸和牛片, 侍應有問我地要熟D定無咁熟, 我地要唔洗太熟, 以免太老, 呢度應該5-6成左右.脂肪唔多, 不過入口腍身而嫩滑, 富肉鮮味. 仲有釀冬菇同蒸什菌呢D蔬菜類, 食完就可以食南瓜排骨粥, 粥底好綿, 好香南瓜既甜味, 排骨煲到夠軟腍.個餐仲包汽水啤酒任飲, 非常滿足.