Burgeroom (美麗華廣場1期) (Closed)

今日係blue Monday , 所以整番個comfort food 就岩曬，book咗位於尖沙咀美麗華嘅Burgeroom ，好多年前食過銅鑼灣嗰間都覺得唔錯，今次試吓呢間好唔好先。與朋友一人叫咗一個包，同埋黑松露薯條第一個包係墨西哥辣椒牛肉漢堡，墨西哥辣椒因為係醃菜嘅關係，所以有少少酸酸地同漢堡同埋芝士呢啲油膩食物夾埋一齊咁啱可以中和返，非常之夾。佢所有嘅漢堡都係會切開一半，所以可以同朋友分享咁就兩種口味都可以食晒啦。第二個包係牛油果醬燒雞包，燒雞都係即叫即燒，非常夠熱，加牛油果醬可以補充番雞肉冇牛肉咁肥膩嘅特點，個人嚟講覺得會非常之夾。而且肉汁非常豐富。黑松露芝士薯條，亦都非常唔錯，唔會唔夠醬，執嘅質地亦都唔會太水，唔會整到薯條濕晒。咁多年食飯都係不錯，水準可以keep到。