鳳城酒家 (干諾道西) (Closed)

又同我好鍾意飲茶嘅朋友出去食嘢，一有機會佢就話要飲茶╮(￣▽￣"")╭ 於是乎我哋喺中環搵呀，點都搵唔到合適嘅茶樓，結果唯有坐車去咗近近哋嘅上環鳳城。 去得鳳城，就梗係想食佢哋嘅懷舊點心。我哋叫咗炸粉果。OK嘅，佢哋係即刻整熱辣辣，不過感覺佢哋用咗好多梳打粉(為咗令佢鬆脆)。 鮮竹卷、雞扎同埋燒賣，佢哋都交足功課，唔出色但我冇咩特別挑剔。 反而係佢哋嘅灌湯餃，個樣就好似好正宗，但係一拎起佢就穿。唔緊要，最緊要好食。點知。。。食食吓發現佢裏面嘅湯根本就未解凍得切，仲係一舊一舊啫喱咁，扣晒分。 灌湯餃呢個問題，喺銅鑼灣同埋上環都係咁，裏面啲湯仲係結成一舊舊。我會去埋佢哋嘅北角分店試吓，睇吓係咪師傅嘅問題。