Channel 3 Tapas Bar & Restaurant

Open Now

Now Closed

星期四要义义電，約咗閨蜜落太子 Happy Hour。之前試過好多間酒吧，今次試新野。一出太子站B1出口，步行2分鐘就到 Channel 3。首先嚟個西班牙小食拼盤，有我最喜歡嘅炸薯角，煙三文魚芝士波波好好食。 閨蜜喜歡食黑毛豬火腿，當然要叫一客，黑毛豬配蜜瓜，一絕！仲有脆卜卜多士添。白酒忌廉煮青口，我最愛食海鮮，青口好肥美，白汁夠 creamy ,鹹淡適中，好味。特別要推介係，西班牙傳統陳醋燴豬仔脾。第一次食咁鬆化嘅豬仔脾，通常我食親嘅豬仔脾，肉質非常實，今次唔使用刀切，用义都可以輕鬆進食。個汁夠濃味，做下酒菜簡直一流。