Video
Read full review
2023-08-15
1192 views
前排因為成日唔係香港而小咗好多機會四出嚐泰🥹，琴晚終於又再次出動，約埋班舊同事拾回久違嘅家鄉味道😘。一行6人去咗食嗰間屹立九龍城多年嘅黃珍珍泰國菜館。有時行街偷聽到人哋介紹九龍城有咩泰國菜時，「黃珍珍」呢三個字不時都會聽到。呢間嘢算係香港耳熟能詳同比較出名號泰菜館之一。由於對上食呢間嘢已經係好多年前，所以今次我懷住初心嘗試呢間「泰」出名號嘅泰菜館😜。🍴冬蔭功湯 🌟🌟🌟多人一齊去食泰菜，最棹忌就係分贓唔勻😩！但，黃珍珍呢個冬蔭功湯份量足，夠我哋6個分勻有凸，每個人可以分到一隻海蝦，嘻嘻嘻😬。首先，呢個湯落咗好多紅辣椒碎，所以飲落都幾辣（唔太建議唔食得辣嘅你去嗌，又或者叫佢小辣），夠過癮！；另外，個湯南薑味唔算好濃，感覺廚師側重辣椒嘅味道而加少咗南薑落去；最後，講返隻蝦，蝦的確每人有一隻，但只係個種細細隻海蝦，而且唔太新鮮😞…… 🍴泰式燒豬頸肉 🌟🌟唔合格😞！肉質太老嚡，乾噌噌，完全唔係個種醃到好霖又嫩口嘅泰式豬頸肉……我自己有個對燒豬頸肉嘅評分準則—肉汁鎖唔鎖得實。然而，黃珍珍呢味燒豬頸肉太令我失望，咬落無咩肉汁，火燒太大燒到個肉身好乾，即使蘸咗佢個羅望子醬汁（偏甜），都唔覺有令佢起死回
🍴冬蔭功湯 🌟🌟🌟
冬蔭公湯（大）
$268
16 views
0 likes
0 comments
多人一齊去食泰菜，最棹忌就係分贓唔勻😩！但，黃珍珍呢個冬蔭功湯份量足，夠我哋6個分勻有凸，每個人可以分到一隻海蝦，嘻嘻嘻😬。首先，呢個湯落咗好多紅辣椒碎，所以飲落都幾辣（唔太建議唔食得辣嘅你去嗌，又或者叫佢小辣），夠過癮！；另外，個湯南薑味唔算好濃，感覺廚師側重辣椒嘅味道而加少咗南薑落去；最後，講返隻蝦，蝦的確每人有一隻，但只係個種細細隻海蝦，而且唔太新鮮😞……
🍴泰式燒豬頸肉 🌟🌟
泰式燒豬頸肉
$118
12 views
0 likes
0 comments
唔合格😞！肉質太老嚡，乾噌噌，完全唔係個種醃到好霖又嫩口嘅泰式豬頸肉……我自己有個對燒豬頸肉嘅評分準則—肉汁鎖唔鎖得實。然而，黃珍珍呢味燒豬頸肉太令我失望，咬落無咩肉汁，火燒太大燒到個肉身好乾，即使蘸咗佢個羅望子醬汁（偏甜），都唔覺有令佢起死回生🥹！
🍴什錦串燒（豬牛雞各2）🌟🌟⭐️
什錦串燒
$138
10 views
0 likes
0 comments
不過不失嘅串燒，唔算太有特色🙂。佢個沙嗲醬比較稀，唔係個種黏黏稠稠；然後，三款串燒缺少炭火烤味，反而有種甜甜嘅味道（可能同醃料有關？），而肉質尚算嫩滑，所有嘢都中規中矩。
🍴小食拼盤（香葉包雞、炸蝦餅、泰式春卷，香辣炸魚餅）🌟🌟⭐️
不過不失的小食拼盤，勉強合格🙂。每道泰式小食唔會好食到驚艷到你，過下口癮送下啤酒完全無問題🍻。香葉包雞，雞肉有層淡淡斑蘭香葉味，唔多只係剛好有，唔算好食，但叫擺得落口；炸蝦餅🍤，平平無奇，似現成做好拎去解凍然後油炸嘅食品；泰式春卷，尚算香脆但偏油；香辣魚餅，感覺都係現成貨……整體味道一般，但呢個小食拼盤上得好慢，我哋食到主菜咁上下先上😵💫。
小食拼盤（8件）
$168
7 views
0 likes
0 comments
🍴泰式辣豬肉碎生菜包🌟🌟🌟🌟
上菜時，個泰式豬肉碎望落乾噌噌，心入面即刻大大對佢打咗個折扣🤨。但一食落，就被佢個味道狠狠打咗我一巴😳。肉碎成功鎖住泰式醬汁，配搭上自帶肉汁嘅光環，就算唔包生菜就咁放入口都超正啊！佢個種曖昧辣味（算係辣？定唔算辣？），配上各種香料嘅加乘，令到我一啖接一啖咁食唔停！真係菜不可以貌相啊，抵讚🤭！
泰式辣豬肉碎生菜包
$138
9 views
0 likes
0 comments
🍴酸辣脫骨鳳爪 🌟🌟🌟
酸辣脫骨鳳爪
$86
12 views
0 likes
0 comments
我記得食呢道菜之前，我同其中一位朋友講：其實呢啲無骨鳳爪，係由廚房啲姐姐用口親自吮出嚟😂。當然呢個關於無骨鳳爪嘅都市傳說係假㗎啦！講翻正經嘢先，呢道酸辣鳳爪咬落Q軟唔算太硬，配上佢哋嘅秘製涼伴辣汁食落相當惹味😗。
🍴黃咖喱軟殼蟹 🌟🌟🌟
黃咖喱軟殼蟹
$168
11 views
0 likes
0 comments
泰式蟹料理🦀，如咖喱炒蟹、炸軟殼蟹，蟹肉奄列，淨係聽到個蟹字都會流晒口水🤤！由於食咖喱炒蟹又要剝殼然後整到隻手好污糟（我心思思好想試），一行人決定改試軟殼蟹！個黃咖喱偏水，味道唔算濃，一啲都唔辣（可能同我可以食得好辣有關？），軟殼蟹蘸咗呢個咖喱都唔會得得特別好食😅；即使被厚粉包裹嘅軟殼蟹食落仍不失其鮮味，蟹肉厚實，絕對對得起呢個價錢！唔似我之喺某啲餐廳食個種7:3 粉蟹比例嘅炸軟殼蟹。如果個咖喱做得出色啲，相信可以為呢道加分。建議單點佢嗰個炸軟殼蟹就可以了。
🍴泰式炒粉 🌟🌟🌟
千祈唔好比佢個名呃咗！其實呢個就係PAD THAI！黃珍珍嘅PAD THAI相當好味，麵身介乎濕同乾之間，口感煙韌，而且充滿鑊氣，好食！蛋花、芽菜，蔥花比例恰到好處，最緊要係啲蝦仁相當彈牙，索晒醬料嘅蝦仁食落真係無得輸！不過有啲美中不足係，啲蝦乾仔小得可憐，如果比多啲嘅話，炒落一定更香😗！
重新出發，繼續嚐泰😎。食完呢間位於九龍城嘅多年老店，心情有啲複雜😖，可能期望過高吧？驚艷程度感覺沒有如坊間所形容的。由於性價比不大，除非係某朋友指定要食呢間，否則我短期內應該唔會再光顧🙂
泰式炒粉
$118
34 views
0 likes
0 comments
Post
