Video
Read full review
2014-06-11
2206 views
前排一直為準備幫女朋友慶祝既生日事苦惱，特別係生日飯問題。我同佢一直都唔太鍾意食自助餐，因為人太多而且我地又食唔得多。而且我地都鍾意試新野特別係私房菜，就係我唔打唔撞既情況下搵到喱間叫Amina既餐廳所以就決定試下。一早係訂位既時候提到想要張私穩度高d既位，點知當晚去到侍應就帶左我地入房。當時真係有d喜出望外，估唔到佢地會有咁既提供。坐好侍應就為我地遞上麵包，同介紹menu。聽侍應佢講佢地冇menu要親自介紹既原因，係因為佢地廚師係因應每日有咩食材先決定當晚menu，所以每日都有d唔同。聽完一輪好詳細既介紹之後我地order左d生蠔，生蠔種類都幾多同因為有買一送一呢個優惠折左價錢比我地平時出面食開既平。所以我地叫左3款gillardrau, white peal 同一款叫oyster OR。Stater和牛他他，好濃牛味一d都唔血淋淋我女朋友就因為係生牛肉既關係叫左虎蝦菠蘿沙沙另一個，我女朋友話食落甜甜酸酸咁幾得意。Soup因為我同女朋友都唔想飲凍蕃茄湯既關係，所以我地一叫。個湯非常黑非常濃。Entree我就叫左肥人，都幾滑，不過就有少少根。我女朋友就叫左個黑毛豬意大利粉卷，佢話好似食
一早係訂位既時候提到想要張私穩度高d既位，點知當晚去到侍應就帶左我地入房。當時真係有d喜出望外，估唔到佢地會有咁既提供。
坐好侍應就為我地遞上麵包，同介紹menu。聽侍應佢講佢地冇menu要親自介紹既原因，係因為佢地廚師係因應每日有咩食材先決定當晚menu，所以每日都有d唔同。
聽完一輪好詳細既介紹之後我地order左d生蠔，生蠔種類都幾多同因為有買一送一呢個優惠折左價錢比我地平時出面食開既平。所以我地叫左3款gillardrau, white peal 同一款叫oyster OR。
Stater和牛他他，好濃牛味一d都唔血淋淋
我女朋友就因為係生牛肉既關係叫左虎蝦菠蘿沙沙另一個，我女朋友話食落甜甜酸酸咁幾得意。
Soup因為我同女朋友都唔想飲凍蕃茄湯既關係，所以我地一叫。個湯非常黑非常濃。
Entree我就叫左肥人，都幾滑，不過就有少少根。
我女朋友就叫左個黑毛豬意大利粉卷，佢話好似食西式做法中式腸粉咁。
中間食左個石榴味雪芭，呢個味道好清，連我喱個唔鐘意食甜野既人都覺得佢ok，我女朋友仲大讚。
Main course試下佢地出名既牛面肉，但因為賣晒所以只好下次再試。
所以最後叫M6澳洲和牛，叫左5成，絕對滿足到對於冇肉不歡既我。
其實我女朋友不太喜歡食肉，不過特冇d咩其他選擇，就叫左春雞，但結果比和牛更驚喜，雞胸煮得一d都唔老點左少少佢配既黑醋食味道仲好。而且成隻雞起晒骨，好放便食。希望下次佢可以提供多d非肉類既選擇。
Dessert簡單的焦糖布丁。味道好好，好夠滑。仲加分位係我只係係訂時提過係慶祝生日，佢地竟然有記底甜品仲寫上happy birthday字樣。侍應話因為我冇提過咩名，所以佢地寫唔到，仲話下次可以係定位時講定想係甜品寫d咩，好似週年紀念個d都得。
呢餐生日燭光晚餐我同我女朋友都好滿意，佢都食得好開心。仲話鍾意食私房菜既原因係貪佢夠warn夠親切，唔會好似出面d餐廳食得咁區緊。雖然佢價錢拍得住d高級餐廳同d 5星級酒店，但我覺得以佢既食物質素絕對不低於佢地。不過當然有更大既進步空間，希望下次再會佢會俾至我地新既驚喜?!
Other Info. :
Cash only..抵鑽的是沒加一服務費，不收開瓶費及切餅費。
聽說還可以包場，將會是朋友聚會的一個新地方。
(The above review is the personal opinion of a user which does not represent OpenRice's point of view.)
Post
