阿來泰式地道風味

Open Now

Now Closed

旺角有好多間泰國餐廳，今次同屋企人揀左間小店，性價比高同埋可以試下正宗泰國風味。我哋叫咗明爐冬陰功煮烏頭、豬頸肉炒通菜、同埋泰式滷豬髀。明爐冬蔭公煮烏頭幾特別，好似未見過用冬陰功做湯底，味道意想不到，又酸又甜。加上秀珍菇吸收湯汁，真係好好味。仲有一碟辣汁，魚肉沾埋辣汁更加鮮味！豬頸肉炒通菜好香口，蒜味濃郁。豬頸肉份量多，雖然有啲硬，但味道好入味。泰式滷豬脾肉質軟嫩，入口即化，好啱老人家食。仲有酸菜同滷蛋，醬汁多而且入味，整體味道好好。飛天炒椰菜苗香口，辣辣嘅味道好開胃，真係好好味，椰菜苗又爽口。龍眼冰夠晒Fresh，可以解飯後嘅油膩感，食泰國野必點。