Lockeroom Dining (朗晴坊) (Closed)

有邊個男人唔鍾意睇波打機？都唔知道點解成日要三更半夜，飲住啤酒，食住薯片睇波？平時叫佢同我煲劇，就話眼瞓！今晚，佢話揀咗一間旺角朗晴坊嘅Lockeroom Dining食晚餐，一去到就見到餐廳擺滿咗阿仙奴嘅波衫，原來又係因為佢嘅波癮發作。最重要係呢間餐廳係黃店，播住願榮光歸香港，食物質素相當唔錯，要繼續懲罰佢！是日精選沙律我哋就叫咗每人一個晚餐，包沙律、餐湯、蒜蓉包、主菜同餐飲！沙律用玻璃樽載住，裏面有車厘茄、火箭菜、紫椰菜等，全部都好新鮮，爽脆多汁，配埋黑醋，非常開胃！是日餐湯 + 蒜香牛油法包呢個蕃茄湯非常足料，每一啖都有蕃茄肉！特別一讚佢個蒜香牛油法包，新鮮熱辣，好香牛油味，外脆內軟，口感鬆軟，配湯一流。A姐之選：香烤美國熟成牛舌配黑胡椒蘑菇汁終於到主菜啦！我就揀咗香烤美國熟成牛舌，有三大條牛舌，份量十足，特別鍾意佢烤過，外面好香口，牛味濃郁，同黑胡椒蘑菇汁非常咁夾！M佬之選：波士頓活龍蝦（半隻）配美國Creekstone牛西冷呢個海陸空Surf and Turf之選啱晒花心嘅M佬，有波士頓活龍蝦同牛西冷，非常豐富。隻龍蝦一啲都唔細，厚肉有多膏，肉質爽口彈牙，加埋上面嘅芝士，非常