Video
Read full review
2014-07-28
1150 views
當日到黃金商場睇電腦, 之後約下午六點幾, 阿媽下令點明要去呢間, 咁就去呢間... 我還有得選擇嗎?由門口望入舖見到檯檯坐住一個人, 咁我地一行五人原本都諗住分開坐, 點知入到舖頭竟然有兩位印尼小姐自願從兩張檯走去另一張檯拼坐, 唔該晒~之前不是6點就關門嗎? 原來延長咗營業時間至晚上8點, 但係星期五會收早1小時, 收7點 (唔怪得我地成班人入舖時, 我感覺到眼望望~)客家沙律首先送來, 新鮮菠蘿塊、青瓜塊、沙葛塊再撈入杰身醬汁及鋪滿花生碎, 醬汁味道酸酸甜甜帶微辣, 有多種東南亞香料味~ 黃薑飯 (巴東牛肉、青瓜、花生、魚乾仔、茄子) 通通裝入膠籃內, 籃面當然放咗一張油紙才放食物~ 黃薑飯的飯質較為碎而且起晒一嚿嚿, 即係話炒得唔均勻~ 巴東牛肉只有3件, 有濃濃嘅醬汁不過牛腱未炆腍, 且有啲韌... 真失敗~其中一個囡想食下正宗嘅印尼拉麵究竟似唔似Indo mie, 咁就叫碗手打撈麵 (叉燒、雲吞、豬皮、炆豬肉、蝦餅)加啲白醋...酸味好sharp, 手拉麵幼幼身卻有煙韌口感, 叉燒同我地平時食嘅燒臘好唔同, 無蜜味之餘又柴皮, 炸豬皮好韌口而唔係鬆化~海鮮豬肉炒河係重口
由門口望入舖見到檯檯坐住一個人, 咁我地一行五人原本都諗住分開坐, 點知入到舖頭竟然有兩位印尼小姐自願從兩張檯走去另一張檯拼坐, 唔該晒~
之前不是6點就關門嗎? 原來延長咗營業時間至晚上8點, 但係星期五會收早1小時, 收7點 (唔怪得我地成班人入舖時, 我感覺到眼望望~)
客家沙律首先送來, 新鮮菠蘿塊、青瓜塊、沙葛塊再撈入杰身醬汁及鋪滿花生碎, 醬汁味道酸酸甜甜帶微辣, 有多種東南亞香料味~
黃薑飯 (巴東牛肉、青瓜、花生、魚乾仔、茄子) 通通裝入膠籃內, 籃面當然放咗一張油紙才放食物~ 黃薑飯的飯質較為碎而且起晒一嚿嚿, 即係話炒得唔均勻~ 巴東牛肉只有3件, 有濃濃嘅醬汁不過牛腱未炆腍, 且有啲韌... 真失敗~
其中一個囡想食下正宗嘅印尼拉麵究竟似唔似Indo mie, 咁就叫碗手打撈麵 (叉燒、雲吞、豬皮、炆豬肉、蝦餅)
加啲白醋...酸味好sharp, 手拉麵幼幼身卻有煙韌口感, 叉燒同我地平時食嘅燒臘好唔同, 無蜜味之餘又柴皮, 炸豬皮好韌口而唔係鬆化~
海鮮豬肉炒河係重口味之選, 食落好鹹, 索晒豉油汁, 河粉食落口其本唔洗咬, 磨兩磨吞得~另外還有咖喱雞, 望落去已覺水稀稀, 不影也罷~
甜茶冰凍冰冰、甜甜地、澀澀地的茶味, 好消暑~
Post
