阿木台灣麵 (豉油街)

Open Now

Now Closed

餐廳：阿木台灣麵地點：旺角豉油街菜式：台灣菜餐牌：簡單一張紙，包括阿木牛肉麵，台式便當，阿木拌麵，老台灣腌菜，台灣小吃，蛋餅同飯。飲品有古早味，芝士岩鹽奶蓋，珍珠奶茶，冷泡茶，台灣紅茶，四季春青茶。番茄牛肉牛筋麵 $79大大碗番茄牛肉牛筋麵熱辣辣上枱。有牛肉兩件同牛筋四條。牛肉一大一細，明顯係半筋半肉，牛味又濃，厚身啖啖肉，好味道。牛筋入口即化，滿滿骨膠原。麵條係白色拉麵，都有咬口，份量適中。伴有鹹菜同蔥花。個湯甜甜地，味道好濃番茄味，真係見到新鮮番茄，配麵好夾，唔會油膩。滷牛腱 $62滷牛腱一客4大片，質素一樣好，唔會太鹹。面頭灑上蔥花。芝士岩鹽奶蓋炭燒烏龍茶 $40 我叫左芝士岩鹽奶蓋炭燒烏龍茶少甜同少冰，烏龍茶微甜係剛好甜度，帶微微茶味，加上面頭厚厚鹹香奶蓋真係好夾。今餐食物飲品質素唔錯。上菜超快，坐低食完20分鐘搞掂。平日午市好旺。