阿爺燒鵝餐室 (Closed)

我同男友都係戲精，香港電影節開鑼，響電影資料館睇完戲就慢慢行去搵阿爺：阿爺燒鵝！睇完戲好鬼肚餓，叫左個二人餐，勁多野食，根本係三至四人餐先岩啦，哈哈～先黎雪耳南瓜豬骨湯，好似返左屋企飲阿媽煲既老火湯咁喔～黎搵阿爺都係因為佢既燒鵝，真係超好味架！唔肥膩仲好有肉地，連皮都食埋；我就鐘意配瀨粉！二人餐除左燒味雙併之外，仲有兩個餸：邪惡金蛋&油菜。其實邪惡金蛋係用鹹蛋炒滑蛋，鹹蛋既份量拿捏得非常好，唔會太濃烈或太濃味；輕輕帶出鹹蛋既味道，very nice散點碟頭飯大約$50左右，雖然無油菜無金蛋，不過都幾抵食！同埋強烈推介要點燒鵝脾，真係好好味！