夏麵館 (新都城中心二期)

Open Now

Now Closed

正值大閘蟹季節, 但丫妹怕煩唔想拆蟹, 但又想食蟹, 正好「夏麵館」推出數款新品, 以「蟹」做主題嘅幾道新菜式, 今晚放工約咗丫妹去試試。新都城分店餐廳環境闊落, 坐得舒服。食物上檯快。【蟹粉撈飯】HK$148蟹粉淋面易掛汁, 覆蓋整個飯, 更顯足料。足夠撈起整個飯, 啖啖甘香蟹鮮味, 飯質煙煙韌韌有趙口。【三蝦煨麵(蝦子，蝦腦，河蝦仁) 】HK$138麵條盡吸湯汁, 富有鹹鮮味, 河蝦仁口感爽滑, 滿足到喜歡食蝦嘅朋友。Order了兩杯特飲, 以可愛Bear Bear熊樽裝住, 很有童真。兩款均為梳打好夠氣, 果味濃郁。【芒果飛雪】HK$22【幻紫葡萄】HK$22最後仲點咗款甜品, 【開心果高力】HK$72高力外層鬆軟暖暖的, 開心果餡料質地同味道近乎花生醬般似的, 因應個人喜好嘅甜度沾點糖霜, 不錯。