URA Japanese Delicacy (Closed)

朋友推介上環呢間日本菜餐廳URA，聽佢講呢間餐廳做緊兩週年限定企劃，原價$488既北海道馬糞海膽丼，而家只係$198，我朋友話你趁個promo 未做完快D去啦，餐廳每晚6點半開始，頭６位客可以點呢個飯，一枱限一份。咁我星期五放工就狗沖去啦，去到７點半，我又冇book 枱就試下walk in, 好彩仲有bar 枱位，拿拿聲即刻order , 攞住朋友比張圖就問侍應係咪做緊呢個優惠，好彩侍應話有，ARARAR，馬上落單。約十數分鐘後，我最期待的畫面出現喇，鋪滿密密麻麻海膽既丼送上，碗下有一個盤鋪上乾冰，營造了一個夢幻，新鮮既效果，馬糞海膽一片一片鋪滿整個飯面，稍為一點白色既飯光都見唔到，一D都唔孤寒。師傅拆左成板海膽放落去，我覺得超過一板，先試一啖海膽，入口鮮甜唔苦唔腥，好CREAMY， 食材係超新鮮，呢個價錢咁既質素，真係物超所值，$198真係超抵食!建議唔落豉油wasabi 原汁原味咁食，一個人啪晒呢個丼真係有D漏。