Video
Read full review
2009-07-12
136 views
12-7-2009同朋友一心想食昌記的油砂厚多, 點知佢(又)無開檔, 結果死死氣嚟到呢間冰室搞掂.先嚟 share 食的奶油多: 烘得幾靚, 食落熱辣辣又鬆脆, 煉奶夠多, 牛油就唔多夠.凍奶茶 ($13): 夠凍, 但冰唔多, 幾好; 飲落稍甜, 但夠晒香滑, 唔錯.朋友貪得意叫了凍羅漢果茶 ($16), 我覺得稍甜, 佢就飲到面有難色...五香肉丁麵 ($17): 麵底用福麵, 淥得稍腍; 肉丁喺底, 味道甜多過辣; 碗嘢又唔多夠熱, 麻麻哋好食.朋友食餐肉腸仔麵: 伙計阿叔 offer 腸仔可以「煎」, 當然話好, 但 end up 都無煎到嘅 -_-" 味道大路, 亦唔夠熱, 唔怪得朋友食唔晒...每人放低約 $39, 唔多滿意, 好在有下場 -- 鳳輝臺/ 山村道食布甸!
同朋友一心想食昌記的油砂厚多, 點知佢(又)無開檔, 結果死死氣嚟到呢間冰室搞掂.
先嚟 share 食的奶油多: 烘得幾靚, 食落熱辣辣又鬆脆, 煉奶夠多, 牛油就唔多夠.
凍奶茶 ($13): 夠凍, 但冰唔多, 幾好; 飲落稍甜, 但夠晒香滑, 唔錯.
朋友貪得意叫了凍羅漢果茶 ($16), 我覺得稍甜, 佢就飲到面有難色...
五香肉丁麵 ($17): 麵底用福麵, 淥得稍腍; 肉丁喺底, 味道甜多過辣; 碗嘢又唔多夠熱, 麻麻哋好食.
朋友食餐肉腸仔麵: 伙計阿叔 offer 腸仔可以「煎」, 當然話好, 但 end up 都無煎到嘅 -_-" 味道大路, 亦唔夠熱, 唔怪得朋友食唔晒...
每人放低約 $39, 唔多滿意, 好在有下場 -- 鳳輝臺/ 山村道食布甸!
Post
